ပြင်သစ်ထိပ်သီးကလပ် PSG အသင်းနှင့် စပိန်ထိပ်သီးကလပ် ဘာစီလိုနာအသင်းတို့သည် မန်စီးတီးအသင်း၏ ကွင်းလယ်လူများဖြစ်သည့် ဘာနာဒိုဆေးလ်ဗားနှင့် ဂွန်ဒိုဂန်တို့အား ခေါ်ယူရန် စိတ်ဝင်စားနေကြကြောင်း သိရှိရသည်။
PSG အသင်းသည် ယခင်က မိုနာကိုအသင်းတွင်ကစားခဲ့ဖူးသည့် ကစားသမားဟောင်းတစ်ဦးဖြစ်သည့် ဘာနာဒိုဆေးလ်ဗား (၂၈ နှစ်)အား အသင်းမှ ထွက်ခွာဖွယ်ရှိနေသည့် ဗာရက်တီနေရာတွင် အစားထိုးရန် ခေါ်ယူလိုနေခြင်းဖြစ်ပြီး ဘာနာဒိုဆေးလ်ဗား ကိုယ်တိုင်ကလည်း ယခုရာသီမစတင်မီက မန်စီးတီးအသင်းထံမှ ပြောင်းရွှေ့ရန် ကြိုးပမ်းခဲ့ဖူးသည်ဟု သိရှိရသည်။
ဘာစီလိုနာအသင်းကမူ ယခုရာသီကုန်တွင် မန်စီးတီးအသင်းနှင့် စာချုပ်သက်တမ်းကုန်ဆုံးတော့မည်ဖြစ်ပြီး ယခုအချိန်အထိ သက်တမ်းတိုးစာချုပ် ချုပ်ဆိုခြင်းမရှိသေးသည့် ဂွန်ဒိုဂန်အားခေါ်ယူရန် စိတ်ဝင်စားနေခြင်းဖြစ်သည်။
ဘာစီလိုနာအသင်းသည် ဂွန်ဒိုဂန်အား ခေါ်ယူနိုင်လိမ့်မည်ဟုလည်း ယုံကြည်လျက်ရှိပြီး မန်စီးတီးအသင်းကမူ ဂွန်ဒိုဂန်အား အသင်းမှ ထွက်ခွာခွင့်ပေးလိမ့်မည်မဟုတ်ဟုလည်း သတင်းများကဆိုသည်။
