ဘာစီလိုနာအသင်းသည် ဇန်နဝါရီအပြောင်းအရွှေ့ကာလတွင် ရောင်းထုတ်ရန် စီစဉ်ထားသည့် ကစားသမားများထဲ၌ လူငယ်ကြယ်ပွင့်ကစားသမား အန်ဆူဖာတီကိုလည်း ထည့်သွင်းထားကြောင်း သိရသည်။
ဘာစီလိုနာအသင်းသည် အန်ဆူဖာတီကို အနာဂတ်အား ဦးဆောင်မည့်သူအဖြစ် သတ်မှတ်ထားသော်လည်း မျှော်လင့်ထားသလောက် ခြေစွမ်းပြနိုင်ခြင်းမရှိသည့်အတွက် ရောင်းထုတ်ရန် စီစဉ်လာခြင်းဖြစ်ကြောင်း သိရသည်။
ဘာစီလိုနာအသင်းသည် အန်ဆူဖာတီနှင့်အတူ ဖယ်ရန်တောရက်စ်နှင့် ရာဖင်ညာတို့ကို သင့်တော်သည့်ကမ်းလှမ်းမှုရရှိခဲ့ပါက ရောင်းထုတ်မည်ဟု သိရသည်။
အသက် (၂၀) အရွယ်ရှိ အန်ဆူဖာတီသည် ယခုရာသီတွင် ဘာစီလိုနာအတွက် ပြိုင်ပွဲစုံ (၂၄) ပွဲတွင် (၅) ဂိုးသာ သွင်းယူထားသည်။
