လီဗာပူးလ်အသင်းသည် အသင်း၏အနာဂတ်ကွင်းလယ်ပိုင်းကို အားဖြည့်ရန်အတွက် ဘာစီလိုနာအသင်း၏ စပိန်လက်ရွေးစင်ကြယ်ပွင့်ကွင်းလယ်လူ ဂါဗီအားခေါ်ယူရန် စိတ်ဝင်စားနေကြောင်း Liverpool Echo သတင်းစာကဖော်ပြခဲ့သည်။
အသက် (၁၇)နှစ်အရွယ်သာရှိသေးသည့် ဘာစီလိုနာအသင်း၏ လာမာစီယာအကယ်ဒမီထွက်ကစားသမား ဂါဗီသည် ယခုရာသီတွင်မှ ဘာစီလိုနာအသင်းကြီးတွင် ပထမဆုံးစတင်ကစားခွင့်ရခဲ့သူဖြစ်ပြီး ခြေစွမ်းပြနိုင်ခဲ့သည့်အတွက် စပိန်လက်ရွေးစင်အသင်းတွင်ပါ ရွေးချယ်ခံခဲ့ရသူဖြစ်သည်။
ထို့ကြောင့် ဂါဗီ၏ခြေစွမ်းနှင့် အလားအလာအား ဥရောပထိပ်တန်းကလပ်အသင်းများမှ စိတ်ဝင်တစားစောင့်ကြည့်လာခဲ့ကြပြီး လီဗာပူးလ်အသင်းမှာလည်း ဂါဗီအားခေါ်ယူလိုသည့်အသင်းများထဲတွင် တစ်သင်းအပါအဝင်ဖြစ်သည်။
ဂါဗီ၏ကလပ်အသင်းဖြစ်သည့် ဘာစီလိုနာအသင်းမှာ လက်ရှိအချိန်တွင် ဘဏ္ဍာရေးအခက်အခဲများ၊ ကြွေးမြီပြဿနာများဖြင့် ရင်ဆိုင်နေရသည့်အသင်းဖြစ်ပြီး အသင်း၏ကြယ်ပွင့်ကစားသမားများအားရောင်းချခြင်းဖြင့် ငွေရှာရဖွယ်ရှိသည်ဟု သတင်းများထွက်ပေါ်လျက်ရှိရာ လီဗာပူးလ်အသင်းအနေဖြင့် ဂါဗီ၏အပြောင်းအရွှေ့အတွက် တရားဝင်လှုပ်ရှားမှုများ မကြာမီစတင်လာဖွယ်ရှိနေသည်။
ဂါဗီသည် ယခုရာသီတွင် ဘာစီလိုနာအသင်းအတွက် ပြိုင်ပွဲစုံ (၂၂)ပွဲကစားပေးထားသူဖြစ်သည်။
