PSG အသင်းတိုက်စစ်မှူး နေမာသည် အသင်းဟောင်း ဘာစီလိုနာအသင်းသို့ ပြန်လည်ရောက်ရှိလာနိုင်ကြောင်း သိရှိရသည်။
အသက် (၃၁) နှစ်အရွယ်ရှိ ဘရာဇီးလ်လက်ရွေးစင်တိုက်စစ်မှူး နေမာသည် အသင်းဟောင်း ဘာစီလိုနာတွင် ပြန်ကစားရန် ဆန္ဒရှိနေပြီး လစာလျှော့ယူ၍ ကစားပေးမည်ဟု ကမ်းလှမ်းခဲ့ကြောင်း သိရသည်။
နေမာသည် PSG ပရိသတ်များ၏ ၎င်းအား လိုလားခြင်းမရှိတော့သည့်အခြေအနေကြောင့် အသင်းပြောင်းရွှေ့ရန် စီစဉ်နေရာ အသင်းဟောင်း၌ ပြန်ကစားရန်လည်း ဆန္ဒရှိနေခြင်းဖြစ်သည်။
နေမာသည် ကနဦးက မန်ယူအသင်းသို့ ပြောင်းရွှေ့ကစားမည်ဟု သတင်းထွက်ခဲ့သော်လည်း ယခုအခါ ဘာစီလိုနာသို့ ပြန်သွားလိုနေကြောင်း သိရှိရသည်။
နေမာသည် ဘာစီလိုနာအသင်းတွင် ၂၀၁၃ ခုနှစ်မှ ၂၀၁၇ ခုနှစ်အထိ ကစားခဲ့ပြီး ပြိုင်ပွဲစုံ (၁၈၆) ပွဲတွင် (၁၀၅) ဂိုး သွင်းယူခဲ့သည်။
