ကမ္ဘာ့ဘောလုံးအဖွဲ့ချုပ်(ဖီဖာ)သည် ပြီးခဲ့သည့် စက်တင်ဘာလအတွင်းက ဘရာဇီးလ်-အာဂျင်တီးနားပွဲ ပျက်ခဲ့ရခြင်းအတွက် ပြစ်ဒဏ်များချမှတ်ခဲ့ကြောင်း သိရသည်။
ပရီးမီးယားလိဂ်မှ အာဂျင်တီးနားကစားသမား(၄)ဦး ကိုဗစ်စည်းမျဉ်းချိုးဖောက်ခဲ့ခြင်းကြောင့် ပွဲရွှေ့ဆိုင်းရသည်အထိ ဖြစ်ခဲ့ရခြင်းဖြစ်ပြီး မာတီနက်ဇ်၊ ဘူအန်ဒီယာ၊ ရိုမဲရိုးနှင့် ဆယ်လ်ဆို တို့ကို (၂)ပွဲပယ်ပြစ်ဒဏ်စီ ချမှတ်ခဲ့သည်။
ထို့ပြင် ဘရာဇီးလ်ဘောလုံးအဖွဲ့ချုပ်ကို ပေါင်(၄၄၀၀၀၀)၊ အာဂျင်တီးနားဘောလုံးအဖွဲ့ချုပ်ကို ပေါင်(၂၀၀၀၀၀) ဒဏ်ငွေချမှတ်ခဲ့ကြောင်း သိရသည်။ ယင်းပွဲ ပြန်လည်ကစားရမည့်နေ့ရက်ကိုမူ ဖီဖာက ရွေးချယ်ရခြင်းမရှိသေးကြောင်း သိရသည်။
