ဒီနေ့ မနက်မှာ ကစားခဲ့တဲ့ ဘရန့်ဖိုဒ့် အသင်းနှင့် ခါရာဘောင်းဖလား တတိယ အဆင့်မှာ အာဆင်နယ် အသင်း နည်းပြ အာတီတာ ဟာ ရမ်စ်ဒေးလ် ကို ပြန်လည် ပွဲထွက် အသုံးပြု ခဲ့ပါတယ် ။ ရမ်စ်ဒေးလ် ဟာ ဘရန့်ဖိုဒ့် အသင်းနှင့် ပွဲမှာ ဝစ်ဆာ ၊ အွန်ရက်ကာ တို့ရဲ့ ကန်သွင်းချက်တွေကို လက်စွမ်းပြ ကာကွယ် ခဲ့ပြီး အသင်းအတွက် Clean-Sheet ရယူကာ စတုတ္တ အဆင့်ကို ပို့ဆောင် ပေးနိုင် ခဲ့ပါတယ် ။
အာဆင်နယ် နည်းပြ အာတီတာ ကတော့ ပွဲအပြီးမှာ ” သူ ဒီနေ့မှာ ခက်ခဲတဲ့ အခြေအနေ အချို့ ရှိနေတာဝောာင် တစ်ပွဲလုံး တည်ငြိမ်တဲ့ စွမ်းဆောင်ရည် ပြသ သွားခဲ့ပါတယ် ။ ကျနော်တို့ အားလုံး သူ့ကို ချစ်ပါတယ် ။ သူ့ရဲ့ အရည်အသွေး နှင့် စရိုက် လက္ခဏာ အကြောင်း ကောင်းကောင်း သိသလို သူ အသင်းအတွက် ဘာတွေ ဆောင်ယူ ပေးနိုင်စွမ်း ရှိသလဲ ဆိုတာလည်း သိပါတယ် ။ ”
” သူ့လို ကစားသမားကို ပိုင်ဆိုင်ခွင့် ရတဲ့ အတွက် ပျော်ရွှင် မိပါတယ် ။ ဒီကနေ့ သူ ကစားဖို့ အခွင့်အရေး ရခဲ့ပြီး ကောင်းမွန်တဲ့ ပွဲတစ်ပွဲကို ကစား နိုင်ခဲ့ပါတယ် ၊ ကျနော် သူ့အတွက် ပျော်ပါတယ် ။ ဝစ်ဆာ ရဲ့ဂိုးပေါက် ခြိမ်းခြောက်မှု ကို တကယ့်ကို ကောင်းမွန်တဲ့ လက်စွမ်း နဲ့ ကာကွယ် နိုင်ခဲ့ပါတယ် ၊ အဲ့ဒီ ကာကွယ်မှု က အသင်းရဲ့ နိုင်ပွဲ အတွက် အရေးပါခဲ့ပါတယ် ။ ”
” ရမ်စ်ဒေးလ် ရဲ့ အရည်အသွေး အပေါ် ဘယ်လို မြင်သလဲ ဆိုတဲ့ မေးခွန်း က ကျနော့် ကို မေးရမယ့် မေးခွန်း မဟုတ်ပါဘူး ။ ခင်ဗျားတို့ အားလုံး သူ့ကို သံသယ ဖြစ် မေးခွန်း ထုတ်နေကြချိန်မှာ ကျနော် က သူ့ကို အသင်းထံ ရအောင် ခေါ်ယူ ခဲ့သူလေ ။ လို့ ချီးကျူး ပြောကြား သွားခဲ့ပါတယ် ။
