ဘာစီလိုနာအသင်းသည် ပြီးခဲ့သည့် ဇူလိုင်လအစောပိုင်းကခေါ်ယူထားသည့် ဘရာဇီးလ်အက်သလက်တီကို ပါရာနန်စီအသင်းမှ ဘရာဇီးလ် ကြယ်ပွင့်တိုက်စစ်မှူးဗစ်တာရိုကေးအား ယခုနွေရာသီတွင်ပင် အသင်းကစားသမားစာရင်း၌ မှတ်ပုံတင်နိုင်ရန် ဆန္ဒရှိနေသော်လည်း ပါရာနန်စီအသင်းမှ ထွက်ခွာခွင့်ပြုဦးမည်မဟုတ်ကြောင်း စပိန်အားကစားသတင်းစာ Football Espana ကဖော်ပြခဲ့သည်။
ဘာစီလိုနာအသင်းသည် အသက် (၁၈)နှစ်အရွယ် ဗစ်တာရိုကေးအား ပြောင်းရွှေ့ကြေးယူရိုသန်း (၃၀) +Add ons ကြေးဖြင့်ခေါ်ယူခဲ့ခြင်းဖြစ်ပြီး အစောပိုင်းသတင်းများအရ ဗစ်တာရိုကေးအား ယခုနွေရာသီတွင် အသင်း၏လူစာရင်း၌ ထည့်သွင်းနိုင်ဖွယ်မရှိဘဲ လာမည့် ၂၀၂၄ ဇန်နဝါ ရီ (သို့မဟုတ်) နွေရာသီတွင်မှ အသင်းထံခေါ်ယူနိုင်မည်ဖြစ်ကြောင်းသိရသည်။
သို့သော် ဘာစီလိုနာအသင်းသည် လက်ရှိအချိန်တွင် အသင်း၏ ပြင်သစ်တောင်ပံကစားသမား ဒမ်ဘီလီ (၂၆ နှစ်)မှာ PSG အသင်းထံ ပြောင်းရွှေ့ရန်သေချာနေသောကြောင့် ရိုကေးအား အသင်းကြီးစာရင်း၌ မှတ်ပုံတင်နိုင်မည်ဖြစ်ပြီး ယခုနွေရာသီတွင်ပင် အသင်းထံခေါ်ယူရန် စီစဉ်လာခြင်းဖြစ်သည်။
သို့သော် ပါရာနန်စီအသင်းက ကြယ်ပွင့်ကစားသမား ရိုကေးအား ယခုနွေရာသီတွင် လက်လွှတ်ဦးမည်မဟုတ်ဘဲ လာမည့် ၂၀၂၄ ဇန်နဝါရီတွင်မှ ဘာစီလိုနာအသင်းနှင့် ပူးပေါင်း ခွင့်ပြုမည်ဖြစ်ကြောင်း စပိန်မီဒီယာများက ဖော်ပြခဲ့ကြသည်။
ပါရာနန်စီအသင်းသည် လက်ရှိတွင် ၂၀၂၃ ဘရာဇီးလ်စီးရီးအေပြိုင်ပွဲအား ဝင်ရောက်ယှဉ်ပြိုင်နေပြီး ယင်းပြိုင်ပွဲပြီး ဆုံးမည့် ၂၀၂၃ ဒီဇင်ဘာတွင်မှ ရိုကေးအား အသင်းမှထွက်ခွာစေရန် ဆန္ဒရှိနေခြင်းဖြစ်ကြောင်းသိရသည်။
