လီဗာပူးလ်နည်းပြ ယာဂန်ကလော့ပ်က ပိုင်ရှင်အပြောင်းအလဲဖြစ်ခဲ့လျှင်ပင် အသင်းအတွက် ပေးဆပ်သွားမည်ဖြစ်ကြောင်း ကတိပြုပြောကြား ခဲ့သည်။
လီဗာပူးလ်အသင်းပိုင်ရှင်ဖြစ်သည့် အမေရိကန်အခြေစိုက် Fenway Sports Group (FSG) က ရင်းနှီးမြှုပ်နှံမှုအသစ်များရရှိရန် ရှာဖွေနေကြောင်း တနင်္လာနေ့က ထုတ်ပြန်ခဲ့ပြီးနောက် အပြောင်းအလဲများစွာ ဖြစ်လာနိုင်ကြောင်း ခန့်မှန်းမှုများရှိနေသည်။
FSG အနေဖြင့် လီဗာပူးလ်အသင်းအား အလုံးစုံရောင်းချရန် ဆန္ဒရှိနေကြောင်း သတင်းများထွက်ပေါ်လျက်ရှိသလို ပရိသတ်များကလည်း ကလော့ပ်၏ အနာဂတ်အပါအဝင် အန်ဖီးလ်၌ ဖြစ်ပေါ်လာနိုင်သည့် အပြောင်းအလဲများအတွက် စိုးရိမ်မှုများရှိနေသည်။
ယင်းသတင်းများနှင့်ပတ်သက်၍ ယာဂန်ကလော့ပ်က “သူတို့ ရင်းနှီးမြှုပ်နှံမှုတွေ ရှာဖွေနေတယ်ဆိုတာ ကျွန်တော် ဖတ်လိုက်ရပါတယ်။ ဒါက အကြံကောင်းပဲ။ အဲဒီဟာကို ကျွန်တော်ကြိုက်ပါတယ်။ ဒါပေမဲ့ အဲဒါတွေက ပြင်ဆင်မှုတွေအားလုံးအတွက် အနှောင့်အယှက်မဖြစ်စေပါဘူး။ ကစားသမားတွေက ကျွန်တော့်ကို မမေးကြသလို ကျွန်တော့်အတွက်လည်း အဲဒါက ဘာမှမဟုတ်ပါဘူး”ဟု ပြောကြားခဲ့သည်။
 က ရင်းနှီးမြှုပ်နှံမှုအသစ်များရရှိရန် ရှာဖွေနေကြောင်း တနင်္လာနေ့က ထုတ်ပြန်ခဲ့ပြီးနောက် အပြောင်းအလဲများစွာ ဖြစ်လာနိုင်ကြောင်း ခန့်မှန်းမှုများရှိနေသည်။){kind=link}