ချယ်လ်ဆီး – ဝက်စ်ဘရွန်း (မြန်မာစံတော်ချိန် ဧပြီလ ၃ ရက် ညနေ ၆:၀၀ နာရီ)
ချယ်လ်ဆီးက အိမ်ကွင်း (၄)ပွဲဆက်နိုင်ပွဲကို အာရုံစိုက်နေမှာဖြစ်ပြီး ချန်ပီယံလိဂ်ဝင်ခွင့်အတွက် ပိုပြီးစိတ်ချရအောင် ကစားမှာဖြစ်တယ်။ FA ဖလားပွဲတုန်းက ရှက်ဖီးယူနိုက်တက်ကို အနိုင်ယူခဲ့တဲ့ပွဲမှာလည်း လူအပြောင်းအလဲတွေနဲ့ ကစားပုံကောင်းနေဆဲဆိုတာ တွေ့ရတယ်။ ဝက်စ်ဘရွန်းကတော့ မဆိုးဘူးလို့ ပြောလို့ရတဲ့အဆင့်ဖြစ်ပြီး ပထမအကျော့တုန်းက ချယ်လ်ဆီးဆီက အမှတ်ခွဲယူနိုင်ခဲ့တယ်။ ဒီပွဲတော့ ချယ်လ်ဆီးအတွက်ပဲ။
လိဒ်စ် – ရှက်ဖီးယူနိုက်တက် (မြန်မာစံတော်ချိန် ဧပြီလ ၃ ရက် ည ၈:၃၀ နာရီ)
Ellan Road မှာ ကစားမယ့် ဒီပွဲမှာ လိဒ်စ်က ပိုအားသာပါတယ်။ ခြေစွမ်းပိုင်းပိုကောင်းပြီး၊ ခံစစ်ပိုင်း၊ တိုက်စစ်ပိုင်းလည်း သာတယ်။ ရှက်ဖီးယူနိုက်တက်က တန်းဆင်းဇုန်ထဲကအသင်းဖြစ်ပြီး လိဒ်စ်က အထက်မရောက်၊ အောက်မရောက်အနေအထားဖြစ်နေလို့ စိတ်ပိုင်းဆိုင်ရာအရ ရှက်ဖီး ပိုသာတယ်လို့ ယူဆစရာဆိုပေမဲ့ ရှက်ဖီးက မရုန်းနိုင်လောက်တော့ပါဘူး။ လိဒ်စ်ပဲ နိုင်မယ်။ (၂-၀)လောက်ဖြစ်မယ်။
လက်စတာ – မန်စီးတီး (မြန်မာစံတော်ချိန် ဧပြီလ ၃ ရက် ည ၁၁:၀၀ နာရီ)
နှစ်သင်းစလုံးအတွက်တော့ နိုင်ငံတကာပွဲတွေအပြီး ပွဲကျပ်တစ်ပွဲကို ထိပ်တိုက်တွေ့ခြင်းဖြစ်တယ်။ လက်စတာက နောက်ပိုင်းကစားခဲ့တဲ့ပွဲတွေမှာ ခြေစွမ်းပြနေပြီး၊ နိုင်ပွဲဆက်နေတယ်။ မန်ချက်စတာအသင်းတစ်သင်းဖြစ်တဲ့ မန်ယူအသင်းကိုလည်း FA ဖလားပွဲမှာ ဂိုးပြတ်အနိုင်ကစားထားတာကို တွေ့ရတယ်။ လူမစုံသေးချိန်မှာတောင် ပုံစံမပျက်သွားဘဲ သူတို့အသင်း ရဲ့ Attacking Style of Play က တော်တော်လေး အားရစရာကောင်းလာတာတွေ့ရတယ်။ အရင်လို ခံစစ်ကနေ တိုက်စစ်ကို အကူးအပြောင်းတွေကနေ ဂိုးရဖို့ မျှော်နေတဲ့ပုံစံမျိုးထက် တိုက်စစ်ကို ပီပီပြင်ပြင်ကစားလာခဲ့တယ်။ မန်စီးတီးကတော့ လက်ရှိဥရောပမှာ ခြေအမှန်ဆုံးအသင်းတွေထဲက တစ်သင်းဖြစ်ပြီး ခံစစ်ပိုင်းအရမ်းကောင်းတယ်။ တိုက်စစ်ကလည်း ဂိုးတွေ ပြန်မြူးလာတာတွေ့ရတယ်။ ဒီနှစ်သင်း ပထမအကျော့တွေ့ဆုံခဲ့တုန်းက မန်စီးတီးကွင်းမှာ လက်စတာက (၅-၂)နဲ့ အံ့သြစရာနိုင်ပွဲယူခဲ့တယ်။ မန်စီးတီးက ဒီရှုံးပွဲကို လက်စားပြန်ချေဖို့ ကြိုးစားလိမ့်မယ်။ (၂-၁)လောက်ဖြစ်မယ်ထင်တယ်။
အာဆင်နယ် – လီဗာပူးလ် (မြန်မာစံတော်ချိန် ဧပြီလ ၄ ရက် နံနက် ၁:၃၀ နာရီ)
အာဆင်နယ်ရော၊ လီဗာပူးလ်ပါ ချန်ပီယံလိဂ်ဝင်ခွင့်အတွက် အမှားခံလို့မရတဲ့ပွဲဖြစ်တယ်။ အာဆင်နယ်က နောက်ဆုံး ကစားခဲ့တဲ့ပွဲမှာ ဝက်စ်ဟမ်းကို (၃)ဂိုးအရှုံးကနေ သရေပြန်လိုက်ကစားခဲ့တာတွေ့ရပြီး၊ အသင်းရဲ့တိုက်စစ်ပိုင်းကစားပုံက သိသိသာသာ တိုးတက်လာတယ်။ ဖျော်ဖြေမှုပေးလာနိုင်သလို၊ ဂိုးတွေလည်း ရလာတာတွေ့ရတယ်။ လီဗာပူးလ်ကလည်း အမှားမခံတဲ့ပွဲမှာ လူမစုံသေးတဲ့ ခံစစ်၊ မတည်ငြိမ်သေးတဲ့ ရလဒ်ပိုင်းတွေနဲ့ အာဆင်နယ်ကို ရင်ဆိုင်ရမှာဖြစ်တယ်။ လူငယ်တွေများပြီး တစ်ဦးချင်းပုံစံကောင်းပြနိုင်တဲ့ အာဆင်နယ်တိုက်စစ်ကို ဂိုးတွေဆက်တိုက်ပေးနေရတဲ့ လီဗာပူးလ်ခံစစ် ထိန်းချုပ်နိုင်ပါ့မလားဆိုတာ စဉ်းစားရမှာဖြစ်တယ်။ လီဗာပူးလ်က ပိုကောင်းတဲ့အသင်းလို့ဆိုရင်တောင် မန်စီးတီး၊ စပါး၊ လက်စတာတို့ကို ကစားခဲ့တဲ့ အာဆင်နယ်ရဲ့ခြေစွမ်းက လက်ရှိ လီဗာပူးလ်ကို ကြောက်နေစရာတော့ မရှိပါဘူး။ ဒီပွဲက လီဗာပူးလ်အတွက် ပိုခက်မယ်လို့ ထင်တယ်။ (၂-၂)လောက်ဖြစ်နိုင်တယ်။
