မန်ယူ – လိဒ်စ် (ကြာသပတေးနံနက် ၂း၃၀ နာရီ)
မန်ယူနဲ့ လိဒ်စ်တို့ (၅)ရက်အတွင်းမှာပဲ ပရီးမီးယားလိဂ်နှစ်ကျော့ကို ဆက်တိုက်ကစားရမှာပါ။ မန်ယူအသင်းရဲ့အိမ်ကွင်း Form က အမြင့်ဆုံးအဆင့်ရောက်နေပြီး ရပ်ရှ်ဖို့ဒ်ကလည်း ဂိုးပေါက်ဆက်တိုက်နီးပါး တွေ့နေတယ်။ ကွင်းလယ်မှာ အနီကတ် ထိထားတဲ့ ကက်စီမီရို ကစားနိုင်ဖို့မရှိတာပဲ မန်ယူနည်းပြ တန်ဟက်ဂ်အဖို့ အနည်းငယ်ခေါင်းခဲစရာရှိပါတယ်။ လိဒ်စ်ကတော့ အတော်လေးပုံစံပျက်တဲ့ အနေအထားပါပဲ။ ဇန်နဝါရီအပြောင်းအရွှေ့မှာ မက်ကန်နီးအပါအဝင် ကစားသမားသစ်တချို့ အား ဖြည့်ထားပေမဲ့ အသင်းကို အပြောင်းအလဲလုပ်နိုင်စွမ်းရှိသူတွေ မပါဝင်လို့ ရာသီကုန်အထိ တန်းဆင်းဇုန်တိုက်ပွဲပဲ ဆင်နွှဲရမယ့် ပုံရှိတယ်။ မန်ယူ ဂိုးပြတ်၊ မပြတ်ပဲ ကြည့်ရမှာပါ။
