မန်ယူအသင်းသည် ပရီးမီးယားလိဂ်ပြိုင်ပွဲတွင် တန်ဖိုးအရှိဆုံးအသင်းအဖြစ် ပေါင် (၄.၈)ဘီလီယံ ဖြင့် ထိပ်ဆုံး၌ ရပ်တည်နေပြီး ဒုတိယနေရာမှ လီဗာပူးလ်အသင်းထက် ပေါင် (၁)ဘီလီယံတန်ဖိုးပိုများကြောင်း စစ်တမ်းများအရ သိရသည်။
မန်ယူအသင်းသည် ပရီးမီးယားလိဂ်တွင် တန်ဖိုးအရှိဆုံးကလပ်အသင်းအဖြစ် ကာလရှည်ရပ်တည်ခဲ့ပြီး အသင်း၏တန်ဖိုးမှာ ပြီးခဲ့သည့် (၂)နှစ်ကထက် (၂၈) ရာခိုင်နှုန်းထိ တိုးမြင့်လာခဲ့ကြောင်း သိရှိရသည်။
Sportico ၏ စစ်တမ်းအရ မန်ယူအသင်း၏တန်ဖိုးမှာ ပေါင် (၄.၈) ဘီလီယံရှိပြီး ဒုတိယနေရာမှ လီဗာပူးလ်အသင်း (၃.၈) ဘီလီယံထက် (၁)ဘီလီ ယံပိုများနေကြောင်း သိရှိရသည်။
တတိယနေရာတွင် မန်ယူအသင်း၏ မြို့ ခံပြိုင်ဘက် မန်စီးတီးအသင်းက ပေါင် (၃.၅)ဘီလီယံဖြင့် ရပ်တည်နေပြီး ယခုရာသီ ပရီးမီးယားလိဂ် အမှတ်ပေးဇယားကိုဦးဆောင်နေသည့် အာဆင်နယ်အသင်းက ပေါင် (၂.၉) ဘီလီယံ ဖြင့် စတုတ္ထနေရာတွင် ရပ်တည်နေသည်။
အာဆင်နယ်အသင်း၏နောက်တွင် ချယ်လ်ဆီး၊ စပါး၊ ဝက်စ်ဟမ်း၊ အဲဗာတန်၊ လက်စတာနှင့် နယူးကာဆယ်အသင်းတို့က အဆင့် (၅) မှ အဆင့် (၁၀) အတွင်း အစဉ်လိုက်ရပ် တည်နေကြောင်း သိရသည်။
နယူးကာဆယ်အသင်းသည် ပြီးခဲ့သည့် (၂) နှစ်အတွင်း တန်ဖိုး (၆၃) ရာခိုင်နှုန်းအထိ မြင့်တက်လာခဲ့သည်။ နယူးကာဆယ်အသင်းသည် ဆော်ဒီအဖွဲ့ က ဝယ်ယူပြီးနောက် တန်ဖိုးမြင့်တက်လာခြင်းဖြစ်ကြောင်း သိရသည်။
