မန်စီးတီးအသင်း၏ နည်းပြ ဂွါဒီယိုလာက အာဆင်နယ်အသင်းသည် ပရီးမီးယားလိဂ်ပြိုင်ပွဲကို ထိုက်တန်စွာ ဦးဆောင်နေခြင်းဖြစ်သည်ဟု ချီးကျူးပြောကြားခဲ့သည်။
မန်စီးတီးအသင်းသည် လက်ရှိအချိန်၌ အာဆင်နယ်၏နောက် ဒုတိယနေရာတွင် တစ်မှတ်အကွာဖြင့် ရပ်တည်နေသည်။
ဂွါဒီယိုလာက “ပရီးမီးယားလိဂ်က စိတ်လှုပ်ရှားစရာအပြည့်ဖြစ်နေပါတယ်။ ရာသီအစကတည်းက အာဆင်နယ်အသင်းက ကျွန်တော်တို့ထက် ပိုကောင်းတဲ့အသင်းအဖြစ် စွမ်းဆောင်ပြနေပြီး ပထမနေရာမှာ ရပ်တည်နေတာက သက်သေပါပဲ”ဟု ပြောကြားခဲ့သည်။
