မန်ချက်စတာ ယူနိုက်တက် နှင့် အင်္ဂလန် တောင်ပံ ကစားသမား မားကပ်စ် ရက်ရှ်ဖိုဒ့် က ပရီးမီးယားလိဂ် ရဲ့လက်ရှိ အကောင်းဆုံး ကစားသမား နှင့် သူ့အတွက် အခက်ခဲဆုံး ပြိုင်ဘက် ကို ထုတ်ဖော် ပြောကြား လာခဲ့ပါတယ် ။
၂၀၁၆ ခုနှစ် မှာ မန်ယူနိုက်တက် အတွက် စတင် ပွဲထွက် ကစားခဲ့တဲ့ ရက်ရှ်ဖိုဒ့် ဟာ သရဲနီတို့ အတွက် ပွဲပေါင်း ၂၃၉ ပွဲ ကစားပြီး ၁၂၃ ဂိုး သွင်းထားသူပါ ။ အသက် ၂၅ နှစ် အရွယ် ရက်ရှ်ဖိုဒ့် ဟာ မနှစ်က မန်ချက်စတာ ယူနိုက်တက် အသင်း အတွက် ပြိုင်ပွဲစုံ ဂိုး ၃၀ သွင်းနိုင် ခဲ့ပါတယ် ။
ရက်ရှ်ဖိုဒ့် က ဂယ်ရီနဗီးလ် နဲ့ အင်တာဗျုးမှာ သူ့အတွက် အခက်ခဲဆုံး ပြိုင်ဘက် ကစားသမား က ဘယ်သူလဲ ဆိုတဲ့ မေးခွန်းကို ” ကိုင်လီ ဝေါလ်ကာ ပေါ့ဗျာ ။ သူ့ရဲ့ ခန္ဓာကိုယ် ကြံ့ခိုင်မှု က မယုံနိုင်လောက်အောင်ကို ကောင်းပါတယ် ၊ ဒါကြောင် သူနဲ့ ရင်ဆိုင် ကစားရတာ က အမြဲတမ်း ခက်ခဲပါတယ် ၊ ခင်ဗျားအနေနဲ့ သူနဲ့ ရင်ဆိုင် ကစားမယ်ဆို သူ့ကို မျက်ခြေဖြတ် နိုင်အောင် နေရာယူမှားသွားအောင် လုပ်ဖို့ လိုအပ်ပါတယ် ၊ ဒါတောင် သူက ချက်ချင်း ပြန်လိုက်နိုင်တဲ့ ကစားသမားပါ ။ ဒါကြောင့် သူနဲ့ ကစားရတိုင်း အမြဲတမ်း ခက်ခဲပါတယ် ။ ”
လက်ရှိ ပရီးမီးယားလိဂ် ရဲ့လက်ရှိ အကောင်းဆုံး ကစားသမားက ဘယ်သူလဲ ဆိုတဲ့ မေးခွန်းကို ရက်ရှ်ဖိုဒ့် က ” မနှစ်က ဆိုရင်တော့ သေချာပေါက် ဟာလန်း ပေါ့ဗျာ ။ ဒါပေမဲ့ ပြီးခဲ့တဲ့ ၄ နှစ် ၅ နှစ် အတွင်းဆိုရင်တော့ ဒီဘရိုင်းနား ပေါ့ဗျာ ၊ ၁၀၀% ပါပဲ ။ ” လို့ ပြန်လည် ဖြေကြား သွားခဲ့ပါတယ် ။
