ရှက်ဖီးယူနိုက်တက် – အဲဗာတန် (မြန်မာစံတော်ချိန် ဇူလိုင်လ ၂၀ ရက် ည ၁၁း၃၀ နာရီ)
ရှက်ဖီးယူနိုက်တက်က ဥရောပဝင်ခွင့်မျှော်လင့်ချက်အတွက် ရုန်းကန်ရမယ့် အနေအထားဖြစ်ပြီး အဲဗာတန်ကတော့ ဒီရာသီအတွက် ပစ်မှတ်မရှိတော့ဘူး။ အေးအေးဆေးဆေးပဲ ကစားသွားဖို့များတယ်။ ခြေစွမ်းပိုင်းလည်းကျနေတဲ့အချိန်ဖြစ်လို့ ရှက်ဖီးကို ကြိုက်တယ်။
ဘရိုက်တန် – နယူးကာဆယ် (မြန်မာစံတော်ချိန် ဇူလိုင်လ ၂၀ ရက် ည ၁၁း၃၀ နာရီ)
နယူးကာဆယ်က အမှတ်မလိုပေမယ့် ဘရိုက်တန်ကတော့ ဒီပွဲကနေသာ (၃)မှတ်ရခဲ့ရင် တန်းမဆင်းရဖို့ အခြေအနေတော်တော်ကောင်းသွားပြီလို့ ပြောနိုင်တယ်။ ခြေစွမ်းကို ကြည့်ရင်လည်း ခံစစ်၊ တိုက်စစ်မျှသလို၊ လူအင်အားလည်း မကွာဘူးလို့ ပြောနိုင်တယ်။ ဘရိုက်တန်ရဲ့အမှတ်လိုအပ်မှုက အရေးပါနိုင်ပါတယ်။ ဘရိုက်တန်သရေနဲ့အနိုင်ပဲ။
ဝုလ်ဗ် – ခရစ္စတယ်ပဲလေ့စ် (မြန်မာစံတော်ချိန် ဇူလိုင်လ ၂၁ ရက် နံနက် ၁း၄၅ နာရီ)
ဝုလ်ဗ်က ဘန်လေနဲ့ပွဲမှာ သရေကျခဲ့တာ တော်တော်နစ်နာတယ်။ ချန်ပီယံလိဂ်ကို မျှော်လင့်ဖို့မလွယ်တော့သလို၊ ယူရိုပါလိဂ်အတွက်လည်း ဖိအားဝင်လာတယ်။ ဒီပွဲက သေချာပေါက် အမှတ်ယူရမယ့်ပွဲပါ။ ပဲလေ့စ်ရဲ့ခံစစ်ကလည်း အားနည်းနေလို့ ဝုဗ်နိုင်ပွဲယူပါလိမ့်မယ်။
