ချယ်လ်ဆီး – အဲဗာတန် (မြန်မာစံတော်ချိန် မတ်လ ၉ ရက် နံနက် ဝဝး၃၀ နာရီ)
ချယ်လ်ဆီးက တူဟယ်လ်လက်ထက်မှာ ရလဒ်တွေ ဆက်တိုက်ကောင်းနေပေမဲ့ နောက်ပိုင်းပွဲတွေမှာ သရေပွဲတွေ မြင်လာရတယ်။ တိုက်စစ်ကတော့ ထုံးစံအတိုင်း ဂိုးရဖို့ ရုန်းကန်နေရတာကို တွေ့ရတယ်။ ဒါပေမဲ့ ကစားကွက်ကောင်းပြီး ပွဲ တိုင်းကို ဘောလုံးပိုင်ဆိုင်ခွင့်အသာနဲ့ စိုးမိုးနိုင်ခဲ့တာကို တွေ့ရတယ်။ အဲဗာတန်က လီဗာပူးလ်၊ ဆောက်သမ်တန်တိို့ကို အနိုင်ကစားခဲ့တဲ့ပွဲတွေမှာ ပြသခဲ့တဲ့ခြေစွမ်းက အားရစရာပါ။ အထူးသဖြင့် ရစ်ချာလီဆန် ဂိုးပြန်သွင်းလာတာက ကယ်လ်ဗတ်လူဝင် ဂိုးပေါက်ပျောက်နေတဲ့ အဲဗာတန်အတွက် ကျေနပ်စရာဖြစ်တယ်။ ကစားဟန်အရဆိုရင် အဲဗာတန်က တန်ပြန်တိုက်စစ်ကို နည်းနည်းလေး အားပြုပေမဲ့ ထိရောက်၊ အားကောင်းတဲ့ တိုက်စစ်မျိုးတော့မဟုတ်ဘူး။ ကွင်းလယ်ကစားကွက်ပိုင်းမှာလည်း ချယ်လ်ဆီးက ပိုအားကောင်းတယ်လို့ ယူဆရတယ်။ PSG နည်းပြဟောင်းနှစ်ဦးရဲ့ ပွဲမှာ အဲဗာတန်က ချယ်လ်ဆီးကို ဒုက္ခပေး နိုင်စွမ်းရှိပေမဲ့ အနိုင်ရဖို့လောက်အထိတော့ မလွယ်ဘူး။ ချယ်လ်ဆီးပဲ ကြိုက်တယ်။
ဝက်စ်ဟမ်း – လိဒ်စ် (မြန်မာစံတော်ချိန် မတ်လ ၉ ရက် နံနက် ၂း၃၀ နာရီ)
မန်စီးတီးကို ရှုံးခဲ့တဲ့ပွဲမှာလည်း စိတ်ဓာတ်နဲ့ ခြေစွမ်းကောင်းကို ပြသခဲ့တယ်။ တခြားပွဲစဉ်တွေမှာလည်း ဝက်စ်ဟမ်းကစားတာ တော်တော်လေးကောင်းပါတယ်။ လိဒ်စ်က လျှော့မတွက်သင့်တဲ့အသင်းဖြစ်ပြီး၊ တိုက်စစ်ကစားပုံလည်း တော်တော်ကောင်းပေမဲ့ ခြုံကြည့်ရင် ဝက်စ်ဟမ်းကို မမီဘူး။ တည်ငြိမ်မှု၊ စုစည်းမှုလည်း ကွာတယ်။ ဒီပွဲက ဝက်စ်ဟမ်း နိုင်ဖို့များပါတယ်။
