ဆောက်သမ်တန် – စပါး(မြန်မာစံတော်ချိန် ဒီဇင်ဘာလ ၂၈ ရက် ည ၉း၃၀ နာရီ)
ပြီးခဲ့တဲ့ရာသီ ထိပ်တိုက်တွေ့ဆုံမှုတွေမှာ စပါးက ဆောက်သမ်တန်ကို နှစ်ကျော့စလုံး အနိုင်ကစားခဲ့တယ်။ ဒီရာသီမှာ စပါးက ကွန်တီနဲ့အတူ ပြန်တိုးတက်လာတာတွေ့ရပြီး ဆောက်သမ်တန်ကတော့ တော်တော်လေးအားနည်းနေပါတယ်။ ခံစစ်အရမ်း မဆိုးပေမဲ့ တိုက်စစ်က ဂိုးမသွင်းနိုင်တာ ပြဿနာဖြစ်တယ်။ ဒီပွဲမှာလည်း စပါးပဲ ကပ်နိုင်လိမ့်မယ်။
ခရစ္စတယ်ပဲလေ့စ် – နောဝစ်ချ်(မြန်မာစံတော်ချိန် ဒီဇင်ဘာလ ၂၈ ရက် ည ၉း၃၀ နာရီ)
နောဝစ်ချ်က နည်းနည်းလေးတော့ တိုးတက်လာတယ်။ ဒါပေမဲ့ နောဝစ်ချ် တိုးတက်လာတယ်ဆိုတာ နိုင်ပွဲတွေ ရှာဖွေနိုင်လောက်တဲ့အဆင့်မျိုးတော့ မဟုတ်သေးဘူး။ နည်းနည်းလေး ပိုမာကျောလာတာမျိုးသာဖြစ်တယ်။ ပဲလေ့စ်က ရလဒ်မငြိမ် ဘူးလို့ဆိုနိုင်ပေမဲ့ ခြုံကြည့်ရင်တော့ မဆိုးပါဘူး။ တိုက်စစ်ရော၊ ခံစစ်ပါ နောဝစ်ချ်ထက် သာတယ်။ ပဲလေ့စ်ကို ကြိုက်တယ်။
ဝက်ဖို့ဒ် – ဝက်စ်ဟမ်း(မြန်မာစံတော်ချိန် ဒီဇင်ဘာလ ၂၈ ရက် ည ၉း၃၀ နာရီ)
ဝက်စ်ဟမ်းက ရလဒ်တွေ ဆက်တိုက်ကျဆင်းသွားတယ်။ ချယ်လ်ဆီးအသင်း အားကောင်းနေချိန်မှာ အနိုင်ကစားခဲ့တဲ့ ပုံစံမျိုးကို နောက်ပိုင်းပွဲတွေမှာ မပြသနိုင်ခဲ့ဘူး။ အထူးသဖြင့် တိုက်စစ်ပိုင်းမှာ နည်းနည်းလေး ပုံစံပျက်သွားတယ်။ ဝက်ဖို့ဒ်ကလည်း ရလဒ်တွေ အရမ်းဆိုးနေတဲ့အသင်းပါ။ ဒီပွဲက ရာနီရေးရီလက်ထက် ပထမဆုံးသရေပွဲ ဖြစ်သွားနိုင်တယ်။
လက်စတာ – လီဗာပူးလ်(မြန်မာစံတော်ချိန် ဒီဇင်ဘာလ ၂၉ ရက် နံနက် ၂း၃၀ နာရီ)
လက်စတာရဲ့ ဒီရာသီခြေစွမ်းက အားရစရာမရှိဘူး။ တိုက်စစ်ပိုင်းက တခြားထိပ်တန်းအသင်းကြီးတွေနဲ့ယှဉ်ရင် အားနည်းနေသလို၊ ခံစစ်ပိုင်းကလည်း ဒီရာသီ ထိပ်ဆုံး (၁၀)သင်းထဲမှာ ပေးဂိုးအများဆုံးအသင်းဖြစ်နေတယ်။ ပရီးမီးယား လိဂ်တစ်ခုလုံးမှာလည်း လက်စတာထက် ဂိုးပိုအသွင်းခံရတဲ့ အသင်းက (၅)သင်းပဲရှိတယ်။ ပုံမှန်အားဖြင့် ခံစစ်ပိုင်းတည် ငြိမ်ပြီး အားကောင်းတဲ့အသင်းတစ်သင်း၊ တန်ပြန်တိုက်စစ်တွေနဲ့ အသင်းကြီးတွေကို ဒုက္ခပေးနိုင်ပြီး အသင်းငယ်တွေနဲ့ ပွဲတွေမှာလည်း Open Play ကနေ ဂိုးအလွယ်တကူရလေ့ရှိတဲ့ အသင်းတစ်သင်းအနေနဲ့ ဒီရာသီကတော့ တကယ်ကို အားရစရာမရှိဘူး။ လီဗာပူးလ်အကြောင်းက အများကြီးပြောစရာ မရှိပါဘူး။ လက်ရှိပရီးမီးယားလိဂ်မှာ မန်စီးတီးနဲ့အတူ အကောင်းဆုံးအသင်းအဖြစ် ရပ်တည်နေတဲ့အသင်းလည်း ဖြစ်တယ်။ လီဗာပူးလ်ကို ကြိုက်တယ်။
