လာဗီယာဟာ ပြီးခဲ့တဲ့နွေရာသီက လီဗာပူးအသင်းကို ငြင်းဆိုကာ စတန်းဖို့ဒ်ဘရစ်ချ်သို့ ပေါင် ၅၃ သန်းဖြင့် ပြောင်းရွှေ့ခဲ့ပြီးနောက် ဒဏ်ရာပြဿနာများကြုံခဲ့ရတာကြောင့် ပိုချက်တီနိုရဲ့အသင်းအတွက် ၃၂ မိနစ်သာကစားခဲ့ရပါတယ်။ သို့သော်လည်း ဘယ်လ်ဂျီယံသားဟာ ရာသီကြိုမှာ နည်းပြသစ် မာရက်စ်ကာရဲ့လက်အောက်တွင် အထင်ကြီးလောက်စရာ လုပ်ဆောင်ခဲ့ပြီး ပိုမိုထင်ရှားတဲ့ အခန်းကဏ္ဍတစ်ခုအတွက် ပြင်ဆင်ထားပုံရပါတယ်။
လာဗီယာဟာ အင်တာမီလန်နှင့် ၁-၁ ဂိုး သရေကျခဲ့တဲ့ပွဲအပါအဝင် ရာသီကြိုပွဲစဉ် ၆ ပွဲစလုံးကို စတင်ကစားခဲ့ပြီး ရာသီအဖွင့်ပွဲစဉ်အဖြစ် ပရီးမီးယားလိဂ်ချန်ပီယံ မန်စီးတီးနှင့် စတန်းဖို့ဒ်ဘရစ်ချ်မှာ ကစားမယ့်ပွဲမှာ ပွဲထွက်ပါဝင်လာဖွယ်ရှိနေပါတယ်။ ယခုအခါ ဒဏ်ရာပြဿနာများမှ ကင်းဝေးရန် မျှော်လင့်ထားပြီး အသက် ၂၀ အရွယ် ကစားသမားဟာ အသစ်စတင်မှုတွင် အကောင်းဆုံးလုပ်ဆောင်ရန် ကြိုးစားနေပါတယ်။
“ဒါက ကျွန်တော့်ရဲ့ ပထမဆုံးရာသီဖြစ်လာမှာပါ။ ပြီးခဲ့တဲ့ရာသီက ခက်ခဲတဲ့အတွက် စိတ်ပျက်မိပါတယ်” “ငယ်ရွယ်တဲ့အချိန်မှာ ကစားချင်မှာပါ။ ခန္ဓာကိုယ်ကိုလည်း သိလာရပါတယ်။ တစ်ခါတစ်ရံတွင် တရားမျှတမှုမရှိတာကို ခံစားရသော်လည်း သဘာဝတရားက တစ်ခါတစ်ရံမှာ မတူညီတဲ့ နည်းလမ်းများဖြင့် ဆုံးဖြတ်တတ်တာကြောင့် ဖြစ်မှာပါ။ ဘာကိုမှ အပြစ်မတင်လိုပါဘူး” လို့ သတင်းထောက်များအား ပြောကြားခဲ့ပါတယ်။
အံ့အားသင့်ဖွယ်ကောင်းသောရာသီတစ်ခုဖြင့် လက်စတာစီးတီးကို ထိပ်တန်းအဆင့်သို့ ပြန်ရောက်အောင်ပို့နိုင်ခဲ့တဲ့ မာရက်စ်ကာဟာ ချဲလ်ဆီးအသင်းအတွက် ဗြောင်းဆန်သောရာသီပြီးနောက် စတန်းဖို့ဒ်ဘရစ်ချ်သို့ ရောက်ရှိလာခဲ့ပါတယ်။
ငယ်ရွယ်သော ကစားသမားများနှင့်အတူ အီတလီသားနည်းပြက လိုက်လျောညီထွေဖြစ်မှုအချို့ကို ရှာဖွေရန် ကစားသမားအရမ်းများနေတဲ့အသင်းကို ဦးဆောင်ရမှာဖြစ်ပါတယ်။
“ချဲလ်ဆီးဟာ တိုးတက်နေတဲ့ အသင်းပါ” လို့ လာဗီယာက လီဗာပူးကို ငြင်းပယ်ခဲ့ပြီး ချဲလ်ဆီးကို ပြောင်းရွှေ့ဖို့ ဘာကြောင့် ရွေးချယ်ခဲ့တာလဲလို့ မေးမြန်းရာမှာ ပြန်လည်ဖြေကြားခဲ့ပါတယ်။ “ပိုကြီးတဲ့ အရာကို မြင်နိုင်ပါတယ်။ ငယ်ငယ်ရွယ်ရွယ်နဲ့ အရည်အချင်းရှိတဲ့ ကစားသမားအုပ်စုတစ်စုကို ကျွန်တော်တွေ့လိုက်တဲ့အခါ သူတို့ရဲ့အရင်ကလပ်တွေမှာ အကောင်းဆုံးကစားသမားတွေဖြစ်ခဲ့သလို ကောင်းကောင်းလုပ်နိုင်ခဲ့ပါတယ်။ အခုကျွန်တော်က ဒီကိုရောက်နေပြီး အဲဒါကအမှန်ဆိုတာကို သိပါတယ်” “ကျွန်တော်တို့က အံ့သြဖွယ်ရာတစ်ခုကို တည်ဆောက်နေပါတယ်။ ကလပ်မှာရှိတဲ့လူတိုင်း ဒါကိုသိနိုင်ပါတယ်။ ကစားသမားတွေတင်မကဘဲ လူတိုင်းပါပဲ” “မန်စီးတီးနဲ့ အောင်မြင်တဲ့ အသင်းတွေအားလုံးက ဒါကိုလုပ်ဖို့ နှစ်တွေလိုအပ်ပါတယ်။ တူညီတဲ့နှစ်တွေလိုတယ်လို့ ပြောတာမဟုတ်ဘူး ဒါပေမယ့် အချိန်ယူရမယ်ဆိုတာ သေချာပါတယ်” လို့ လာဗီယာက ပြောပါတယ်။
