PSG အသင်းသည် လက်ရှိနည်းပြ ဂယ်လ်ချီ၏ အနာဂတ်ကို လာမည့်ရက်ပိုင်းအတွင်း ဆုံးဖြတ်သွားမည်ဖြစ်ပြီး လာမည့်နွေရာသီ၌ နည်းပြအပြောင်းအလဲပြုလုပ်ဖွယ်ရှိကြောင်း Le Parisien က သုံးသပ်ဖော်ပြခဲ့သည်။
PSG အသင်းသည် ပြင်သစ်နည်းပြ ဂယ်လ်ချီ(၅၆ နှစ်)ကို ပြီးခဲ့သည့်နွေရာသီတွင် (၂)နှစ်စာချုပ်ဖြင့် ခန့်အပ်ခဲ့ခြင်းဖြစ်သည်။ PSG အသင်းအနေဖြင့် ချန်ပီယံလိဂ်ပြိုင်ပွဲမှ စောစီးစွာ ထွက်ခွာခဲ့ရသည့်အပြင် ပြင်သစ်လိဂ်တွင်လည်း မထင်မှတ်သည့် ရှုံးပွဲများနှင့် ရင်ဆိုင်နေရသည်။
ယင်းအတွက် အသင်းတာဝန်ရှိသူများက ဂယ်လ်ချီနှင့် ဆက်လက်လက်တွဲလိုခြင်းမရှိတော့ဘဲ အစားထိုးရန် နည်းပြသစ် ရှာဖွေနေပြီဟု Le Parisien က ဖော်ပြခဲ့သည်။
