ဂျူဗင်တပ်စ်အသင်းသည် PSG အသင်း မှ အာဂျင်တီးနားဝါရင့်တောင်ပံကစားသမား ဒီမာရီယာကို တစ်နှစ်စာချုပ်ဖြင့် ခေါ်ယူရန်ကြိုးပမ်းနေကြောင်း Goal.com က ဖော်ပြခဲ့သည်။
ဒီမာရီယာ၏စာချုပ်မှာ လာမည့် ဇွန်လ ၃၀ ရက်တွင် သက်တမ်းကုန်ဆုံးမည်ဖြစ်ပြီး PSG အနေဖြင့် စာချုပ်အရ ဒီမာရီယာကို အလိုအလျောက် တစ်နှစ်သက်တမ်းတိုးခွင့် ရှိသော်လည်း အသင်း၏ဘဏ္ဍာရေးဟန်ချက်ကို ထိန်းညှိနိုင်ရန်အတွက် ေ
ပြာင်းရွှေ့ကြေး အလွတ်ဖြင့် ထွက်ခွာခွင့် ပြုသွားဖွယ်ရှိနေသည်။
အသက် ၃၄ နှစ်အရွယ်ရှိပြီဖြစ်သူ ဒီမာရီယာသည် ၂၀၁၅ သြဂုတ်လတွင် မန်ယူ အသင်းမှ ပြောင်းရွှေ့လာပြီးကတည်းက အသင်း၏အဓိကကစားသမားတစ်ဦးဖြစ်ခဲ့ပြီး ပြိုင်ပွဲစုံ ပွဲပေါင်း ၂၉၁ ပွဲတွင် ၉၁ ဂိုးသွင်းကာ ၁၁၇ ဂိုး ဖန်တီးပေးခဲ့သည်။
