ရိုးမားအသင်းမှ အာဂျင်တီးနားတိုက်စစ်ကစားသမား ဒီဘားလား၏ လျော်ကြေးစာချုပ်တန်ဖိုးများ ထွက်ပေါ်လာခဲ့သည်။
ဒီဘားလား(၂၉ နှစ်)သည် ပြီးခဲ့သည့်နွေရာသီတွင် ဂျူဗင်တပ်စ်အသင်းမှ ရိုးမားအသင်းသို့ (၃)နှစ်စာချုပ်ဖြင့် ပြောင်းရွှေ့ခဲ့သူဖြစ်သည်။
၎င်းအနေဖြင့် ရိုးမားအသင်းနှင့် စာချုပ်ချုပ်ဆိုရာတွင် အသင်းမှထွက်ခွာခွင့်အတွက် လျော်ကြေးစာချုပ် ထည့်သွင်းချုပ်ဆိုထားကြောင်း သိရသည်။
ယင်းစာချုပ်အရ ဒီဘားလားသည် လာမည့်နွေရာသီ၌ ပြည်ပအသင်းထံ ပြောင်းရွှေ့ပါက ယူရို(၁၂)သန်း၊ စီးရီးအေအသင်းများထံ ပြောင်းရွှေ့ပါက ယူရိုသန်း(၂၀)ဖြင့် ထွက်ခွာခွင့်ရရှိမည်ဟု သိရသည်။
ဒီဘားလားသည် ယခုရာသီတွင် ရိုးမားအသင်းအတွက် ခြေစွမ်းပြကစားနေပြီး ပြိုင်ပွဲစုံ (၃၄) ပွဲတွင် (၁၆) ဂိုး သွင်းယူထားသည်။
