မန်စီးတီးအသင်းသည် ယခုရက်သတ္တပတ်အတွင်း ထိပ်သီးပြိုင်ဘက်(၃)သင်းနှင့် အဝေးကွင်းတွင် ပွဲကျပ်များ ဆက်တိုက်ယှဉ်ပြိုင်ရမည်ဖြစ်သောကြောင့် နည်းပြ ဂွါဒီယိုလာအနေဖြင့် PSG နှင့်ပွဲတွင် လူငယ်ကစားသမားများကို အသုံးပြုဖွယ်ရှိကြောင်း သုံးသပ်မှုများ ထွက်ပေါ်လာခဲ့သည်။
မန်စီးတီးအသင်းသည် ပရီးမီးယားလိဂ်၌ ချယ်လ်ဆီး၊ လီဗာပူးလ်တို့နှင့် ရင်ဆိုင်ရမည်ဖြစ်သလို၊ ချန်ပီယံလိဂ်တွင်လည်း PSG အသင်းနှင့် ရင်ဆိုင်ရမည်ဖြစ်သည်။
ထို့ပြင် အဆိုပါ(၃)ပွဲစလုံးကို အဝေးကွင်း၌ ယှဉ်ပြိုင်ကစားရမည်ဖြစ်ပြီး စက်တင်ဘာ(၂၅)တွင် ချယ်လ်ဆီး၊ စက်တင်ဘာ(၂၈)တွင် PSG၊ အောက်တိုဘာ(၃)တွင် လီဗာပူးလ်နှင့် ယှဉ်ပြိုင်ရမည်ဖြစ်သည်။
ထို့ကြောင့် (၉)ရက်အတွင်း (၃)ပွဲယှဉ်ပြိုင်ကစားရမည့်အခြေအနေဖြစ်နေရာ ပွဲပန်းမှုဒဏ်၊ ခရီးပန်းမှုဒဏ်များကို ရင်ဆိုင်ရမည်ဖြစ်၍ ကစားသမားများကို အလှည့်ကျ အသုံးပြုရုံသာမက လူငယ်များကိုပါ အသုံးပြုရဖွယ်ရှိနေaကြာင်း သုံးသပ်နေကြခြင်းဖြစ်သည်။
ယင်းသို့ သုံးသပ်ရာ၌ ချယ်လ်ဆီးနှင့် လီဗာပူးလ်တို့မှာ ပရီးမီးယားလိဂ်ချန်ပီယံဆုအတွက် အမှတ်လုနေရသည့် ပြိုင်ဘက်များဖြစ်သောကြောင့် ပိုမိုအရေးကြီးနေသည့်အတွက် PSG နှင့်ပွဲတွင်သာ လူငယ်များကို အသုံးပြုဖွယ်ရှိကြောင်းလည်း သုံးသပ်ထားကြသည်။
ချန်ပီယံလိဂ်အုပ်စုအဆင့်၌ PSG အသင်းကို ရှုံးနိမ့်လျှင်ပင် နောက်တစ်ဆင့်တက်ရန် မခက်ခဲနိုင်သောကြောင့် ယင်းပွဲကိုသာ အတိမ်းအစောင်းအဖြစ်ခံဖွယ်ရှိကြောင်း သုံးသပ်ကြခြင်းလည်းဖြစ်သည်။
