မန်စီးတီးအသင်းသည် လာမည့်ဇန်နဝါရီအပြောင်းအရွှေ့ကာလတွင် နောက်ခံလူတစ်ဦး ခေါ်ယူသွားရန် စီစဉ်နေကြောင်း သိရှိရသည်။
မန်စီးတီးအသင်းသည် ပြီးခဲ့သည့်နွေရာသီက အန်ဒါလက်ချ်အသင်းမှ စပိန်နောက်ခံလူ ဆာဂျီယိုဂိုးမက်ဇ်ကို ခေါ်ယူခဲ့သော်လည်း ဂွါဒီယိုလာအနေဖြင့် ယင်းကစားသမားကို ယုံကြည်ခြင်းမရှိကြောင်း The Athletic က ဖော်ပြခဲ့သည်။
ဆာဂျီယိုဂိုးမက်ဇ်သည် ယခုရာသီတွင် မန်စီးတီးအသင်းအတွက် ပရီးမီးယားလိဂ် (၅) ပွဲ လူစားဝင်ကစားခွင့်ရခဲ့ပြီး ချန်ပီယံလိဂ်တွင်မူ (၄) ပွဲ ပွဲထွက်ခွင့်ရထားသည်။
သို့သော် ဂွါဒီယိုလာသည် ၎င်းကို ယုံကြည်ခြင်းမရှိဘဲ လာမည့်ဇန်နဝါရီတွင် အာဆင်နယ်နောက်ခံလူ တီယာနေးနှင့် ချယ်လ်ဆီးနောက်ခံလူ ဘင်ချီဝဲလ်တို့ထဲမှ တစ်ဦးကို ခေါ်ယူလိုနေကြောင်း သိရသည်။
