အီတလီလက်ရွေးစင်ကွင်းလယ်လူ ဂျော်ဂျင်ဟိုက ဆွစ်ဇာလန်အသင်းနှင့် ကစားခဲ့သည့်ပွဲများတွင် ပယ်နယ်တီလွဲချော်ခဲ့ခြင်း များက မိမိ၏လက်ကျန်ဘဝတစ်လျှောက်လုံး ခြောက်လှန့်နေတော့မည်ဖြစ်ကြောင်း ဝန်ခံပြောကြားသည်။
အီတလီအသင်းသည် မတ် ၂၄ ရက်က ကစားသည့် ၂၀၂၂ ကမ္ဘာ့ဖလားခြေစစ်ပွဲ Play-off ဆီမီးဖိုင်နယ်ပွဲတွင် မြောက်မက် ဆီဒိုးနီးယားအသင်းကို (၀-၁) ဂိုးဖြင့် ရှုံးနိမ့် ခဲ့ခြင်းကြောင့် ကမ္ဘာ့ဖလားပြိုင်ပွဲနှင့် နှစ်ကြိမ် ဆက်တိုက် လွဲချော်ခဲ့ရသည်။
အီတလီအသင်းသည် ၂၀၂၂ ကမ္ဘာ့ဖလားခြေစစ်ပွဲ(ဥရောပ ဇုန်)တွင် အုပ်စု (C)၌ ဆွစ်ဇာလန်၊ မြောက် အိုင်ယာလန်၊ ဘူလ်ဂေးရီးယား၊ လစ်သူယေးနီးယားတို့နှင့်အတူ ကျရောက်ခဲ့သည်။
ဆွစ်ဇာလန်အသင်းနှင့်သရေကျခဲ့သည့် နှစ်ကျော့စလုံးတွင် အီတလီအသင်းသည် ပယ်နယ်တီကန်ခွင့်များ ရရှိခဲ့သော်လည်း ဂျော်ဂျင်ဟို လွဲချော်ခဲ့သဖြင့် အုပ်စု (C) ၌ ဒုတိယသာ ရ ရှိခဲ့ကာ Play-off ကစားခဲ့ရပြီး ယခု မြောက်မက်ဆီဒိုးနီးယားကို ရှုံးနိမ့်ကာ ၂၀၂၂ ကမ္ဘာ့ဖလားနှင့် လွဲချော်ခဲ့ရခြင်းဖြစ်သည်။
ထို့ကြောင့် ဆွစ်ဇာလန်အသင်းနှင့် ကစားခဲ့သည့် နှစ်ကျော့စလုံးတွင် ပယ်နယ်တီ လွဲချော်ခဲ့သော အီတလီကွင်းလယ်လူ ဂျော် ဂျင်ဟိုက “ဆွစ်ဇာလန်နဲ့ ကစားခဲ့တဲ့ နှစ်ပွဲစ လုံးမှာ ပယ်နယ်တီလွဲချော်တာကို ပြန်စဉ်းစားလိုက်တိုင်း ကျွန်တော် နာကျင်ရပါတယ်။ အဲဒါ(ပယ်နယ်တီလွဲချော်ခဲ့ခြင်း)က ကျွန်တော့် ဘဝတစ်လျှောက်လုံး ခြောက်လှန့်နေတော့မှာပါ။ အခုအချိန်က ကျွန်တော်တို့အတွက် အရမ်းကို ခက်ခဲပါတယ်”ဟု မြောက်မက်ဆီဒိုးနီးယားနှင့်ပွဲအပြီးတွင် ပြောကြားသည်။
