BBC တွင် ဘောလုံးဝေဖန်သူအဖြစ် ဆောင်ရွက်နေသည့် နယူးကာဆယ်ဂန္ထဝင် အလန်ရှီးယားက လီဗာပူးလ်အနေဖြင့် ဆာလာကို အသင်းတွင် ဆက်ထိန်းနိုင်မည်ဟု သုံးသပ်ပြောကြားခဲ့သည်။
လီဗာပူးလ်အသင်းနှင့် ချုပ်ဆိုထားသည့် ဆာလာ၏စာချုပ်မှာ သက်တမ်း(၁၈)လသာ ကျန်ရှိတော့ပြီး စာချုပ်သစ်ချုပ်ဆိုရန် ကြန့်ကြာလျက်ရှိနေသည်။
သို့သော် အလန်ရှီးယားက ”လီဗာပူးလ်အတွက် ဆာလာ လုပ်ပေးခဲ့တာတွေက လက်ဖျားခါစရာပါ။ လီဗာပူးလ်အနေနဲ့ သူ့လို ကစားသမားမျိုးကို လက်လွတ်ခံမယ်မထင်ပါဘူး။ သူ့ရဲ့တောင်းဆိုမှုကို လိုက်လျောပြီး စာချုပ်သစ်ချုပ်ဆိုပါလိမ့်မယ်”ဟု ပြောကြားခဲ့သည်။
