မန်ယူအသင်းအနေဖြင့် ယခုရာသီ ပရီးမီးယားလိဂ်တွင် စီရော်နယ်လ်ဒို၏ ဂိုးပါဝင်ပတ်သက်မှုကို ဖယ်လိုက်မည်ဆိုပါက အဆင့် (၁၄)နေရာ၌ ရပ်တည်နေမည်ဖြစ်ကြောင်း Whoscored.com ဖော်ပြခဲ့သည်။
မန်ယူအသင်းသည် ပရီးမီးယားလိဂ် (၃၄) အပြီးတွင် ရမှတ် (၅၄) မှတ်ဖြင့် အဆင့် (၆)နေရာ၌ ရပ်တည်နေပြီး စီရော်နယ်လ်ဒို၏ ဂိုးပါဝင်ပတ်သက်မှုကို ဖယ်လိုက်မည်ဆိုပါက အဆင့် (၁၄)နေရာသို့ ရောက်သွားမည်ဖြစ်ကြောင်း သိရသည်။
စီရော်နယ်လ်ဒိုသည် ယခုရာသီ ပရီးမီးယားလိဂ်တွင် (၁၆)ဂိုးသွင်းပြီး ဂိုးပါဝင်ပတ်သက်မှု (၃)ကြိမ်ပြုလုပ်ထားရာ မန်ယူအသင်းသည် ၎င်း၏ဂိုးပါဝင်ပတ်သက်မှုကြောင့် (၁၅)မှတ်အထိရခဲ့ကြောင်း သိရသည်။
အကယ်၍ စီရော်နယ်လ်ဒို၏ ဂိုးပါဝင်ပတ်သက်မှုကို ဖယ်လိုက်မည်ဆိုပါက မန်ယူအသင်းအနေဖြင့် ပရီးမီးယားလိဂ်ပွဲစဉ် (၃၄)အပြီးတွင် ရမှတ် (၃၉) မှတ်သာရရှိမည်ဖြစ်ပြီး တန်းဆင်းဇုန်ဖြစ်သည့် အဆင့်(၁၈)နေရာ အဲဗာတန်အသင်း (၂၉)မှတ်နှင့် (၁၀)မှတ်သာကွာဟမည်ဖြစ်ကြောင်း Whoscored.com က ဖော်ပြခဲ့သည်။
