စီရော်နယ်လ်ဒို၏ အစ်မဖြစ်သူသည် ၎င်း၏မောင်ဖြစ်သူ ပွဲထွက်စာရင်းမှ ချန်လှပ်ခံရသည့်အတွက် မကျေမနပ်ဖြစ်နေပြီး အိမ်ပြန်လာခဲ့ရန် တိုက်တွန်းခဲ့ကြောင်း သိရသည်။
စီရော်နယ်လ်ဒိုသည် ဆွစ်ဇာလန်နှင့်ပွဲတွင် လူစားဝင်ကစားသမားအဖြစ်သာ ပါဝင်ကစားခဲ့ရသလို၊ လာမည့် ကွာတားဖိုင်နယ်ပွဲတွင်လည်း ပွဲထွက်ခွင့်ရရန် အလားအလာနည်းပါးကြောင်း သတင်းထွက်နေသည်။
အစ်မဖြစ်သူက “ပေါ်တူဂီအနိုင်ရတာ ဝမ်းသာပေမဲ့ ရော်နယ်လ်ဒိုနဲ့ပတ်သက်ပြီး ဖတ်ရတာ၊ ကြားရတာတွေအတွက် အရမ်းဝမ်းနည်းမိပါတယ်။ သူ့ကို အိမ်ပဲ ပြန်လာစေချင်ပါတယ်။ နောက်ထပ်လည်း မကစားစေချင်တော့ပါဘူး။ ကျွန်မတို့ နာကျင်ရတာ လုံလောက်ပါပြီ”ဟု Instagram တွင် ရေးသားခဲ့သည်။
