လီဗာပူးဂန္တဝင် ဂျေမီကာရေဂါက အင်္ဂါနေ့က ဂျီရိုနာနှင့် ယှဉ်ပြိုင်ခဲ့တဲ့ပွဲတွင် ရရှိခဲ့တဲ့ ပင်နယ်တီမှာ သူ့ရဲ့အသင်းဟောင်းက ကံကောင်းခဲ့တယ်လို့ ဝန်ခံခဲ့ပါတယ်။ ၁-၀ ဂိုးဖြင့် အနိုင်ရရှိခဲ့တဲ့ပွဲမှာ ယူနိုက်တက်ကွင်းလယ်လူဟောင်း ဗန်ဒီဘိခ်က လူးဝစ်ဒီယက်ဇ်ကို ပြစ်ဒဏ်ကျူးလွန်မိခဲ့လို့ ဆာလက်က ပင်နယ်တီကို ကန်သွင်းယူခဲ့ပြီး လီဗာပူးဟာ ချန်ပီယံလိဂ်မှာ ပြီးပြည့်စုံတဲ့ရာသီကို ဆက်လက်ရရှိထားတာဖြစ်ပါတယ်။
ဒိုင်လူကြီး ဘက်စ်တီယန်က ကွင်းဘေးရှိ မော်နီတာတွင် အဖြစ်အပျက်ကို ထပ်မံကြည့်ရှုခဲ့ကာ ပြန်လည်သုံးသပ်ပြီးနောက်မှတော့ ပင်နယ်တီ ပေးခဲ့တာဖြစ်ပါတယ်။ ထို့နောက် ဆာလက်က ဂျီရိုနာဂိုးသမား ပေါ်လိုဂတ်ဇာနီဂါကို ကျော်ဖြတ်ကာ လီဗာပူးအတွက် ၆ ပွဲဆက်တိုက် ဥရောပနိုင်ပွဲကို ရယူပေးခဲ့ပါတယ်။
သို့သော်လည်း ကာရေဂါက လီဗာပူးအား ပင်နယ်တီပေးသင့်တယ်လို့ မထင်ခဲ့ဘဲ ဆုံးဖြတ်ချက်မှာ အလွန်ရက်စက်လွန်းတယ်လို့ ပြောကြားခဲ့ပါတယ်။ CBS Sports ရဲ့ ချန်ပီယံလိဂ် သတင်းဖော်ပြမှုတွင် ကာရေဂါက “ဒါဟာ ပင်နယ်တီလို့ မထင်မိပါဘူး” “ဒါဟာ အရမ်းရက်စက်တဲ့ ဆုံးဖြတ်ချက်လို့ ကျွန်တော်ထင်ပါတယ်။ ပြီးခဲ့တဲ့ ၂ နှစ်လောက်က ဒီပြိုင်ပွဲမှာ ဆုံးဖြတ်ချက်တွေအကြောင်း ကျွန်တော်တို့ပြောခဲ့တာဖြစ်ပြီး ချန်ပီယံလိဂ်မှာ ပေးခဲ့တဲ့ ပင်နယ်တီတွေကို ကျွန်တော်နဲ့ဆန့်ကျင့်ပြီး ပြောခဲ့မယ်ဆိုရင် ဒေါသတော့ထွက်မိမှာပါ”
“အစကတော့ ဘာမှမမြင်ရပါဘူး။ ဖိနပ်က ကျွတ်သွားတယ် ဒါပေမယ့် သူ့အပေါ် ဘယ်လိုမှ မထိခိုက်ပါဘူး တကယ်ကို ကြမ်းတမ်းတယ်လို့တော့ မထင်ပါဘူး၊ ပင်နယ်တီဆိုတော့ ဗန်ဒီဘီ ဘယ်လောက်တောင် စိတ်ပျက်စရာကောင်းလဲဆိုတာ မြင်တွေ့ရမှာပါ” လို့ ပြောပါတယ်။
အာဆင်နယ်ဂန္ထဝင်နှင့် CBS အားကစားဝေဖန်သူ အွန်နရီက ကာရေဂါရဲ့မှတ်ချက်ကို သဘောတူခဲ့ပြီး “ဒါက ပင်နယ်တီမဟုတ်ပါဘူး။ ဂျေမီက ပင်နယ်တီမဟုတ်ဘူးလို့ ပြောရင် ကျွန်တော်တို့ လီဗာပူး ကစားသမားတစ်ယောက်အနေနဲ့ မြင်စရာတောင်မလိုပါဘူး။ တကယ်က ပင်နယ်တီမဟုတ်ခဲ့ပါဘူး” လို့ ပြောပါတယ်။
ဂျီရိုနာ နည်းပြ မစ်ချယ်ကလည်း အလားတူအခြေအနေမျိုးတွင် ပင်နယ်တီပေးခြင်းကို သဘောမကျကြောင်း ဝန်ခံခဲ့သည်။ “သူရဲ့ဖိနပ်ကို ချွတ်ထားတာတွေ့တော့ ပင်နယ်တီပေးမယ်လို့ ပြောထားပြီးသားပါ” “သူက ပြိုင်ဘက်ကို တကယ်မထိဘူး ဆိုပေမယ့် အရင်က ဘောလုံးမှာ ဒီလို အခြေအနေတွေ မရှိပါဘူး။ အခု အဲဒါတွေက VAR ရဲ့ အဖြစ်မှန်ပါပဲ” “ဒီလိုအခြေအနေတွေကို ကျွန်တော် မကြိုက်ပါဘူး။ ဒါပေမယ့် သူတို့က ပင်နယ်တီလို့ ဆုံးဖြတ်လိုက်တော့ တခြားဘာမှ လုပ်စရာမရှိတော့ပါဘူး” လို့ နည်းပြက ပြောပါတယ်။
