ဘရိုက်တန်အသင်းသည် အသင်း၏ ဂျပန်တောင်ပံတိုက်စစ်ကစားသမား မီတိုမာအား စာချုပ်သစ် ချုပ်ဆိုရန် နီးစပ်နေပြီဖြစ်ကြောင်း talkSPORT က ဖော်ပြခဲ့သည်။
အသက် ၂၆ နှစ်အရွယ်ရှိ ဂျပန်လက်ရွေးစင် တောင်ပံတိုက်စစ်ကစားသမား မီတိုမာသည် ၂၀၂၁ နွေရာသီအပြောင်းအရွှေ့ကာလတွင် ဂျပန်ကလပ် ကာဝါဆာကီဖရန့်တေးလ်အသင်းမှ ဘရိုက်တန်အသင်းထံသို့ ပေါင် ၂ ဒသမ ၇ သန်းဖြင့် ရောက်ရှိလာခဲ့သူဖြစ်သည်။
၎င်းသည် ဘရိုက်တန်အသင်းအတွက် နှစ်ရာသီကျော်အတွင်း ပြိုင်ပွဲစုံ ၅၁ ပွဲတွင် ၁၃ ဂိုး သွင်းကာ ဂိုးဖန်တီးမှု ၁၁ ကြိမ် ပြုလုပ်ပေးနိုင်ခဲ့သည်။ ဘရိုက်တန်အသင်းနှင့် ချုပ်ဆို ထားသည့် မီတိုမာ၏လက်ရှိစာချုပ်မှာ ၂၀၂၅ ဇွန် ၃၀ ရက်တွင် သက်တမ်းကုန်ဆုံးမည်ဖြစ်သည်။
ထို့ကြောင့် ဘရိုက်တန်အသင်းသည် မီတိုမာအား လစာတိုးပေးကာ စာချုပ်သစ်ချုပ်ဆိုရန် ဆွေးနွေးနေပြီး ကစားသမားကလည်း ဘရိုက်တန်အသင်းတွင် ပျော်ရွှင်နေသည့်အတွက် သဘောတူညီမှုရရန် အလွန်နီးစပ်နေပြီဖြစ်ကြောင်း သိရသည်။
