အာဆင်နယ်အသင်းသည် ဘရာဇီးလ်ယူ-၂၀ ကစားသမားဟောင်း ဂါဘရီယဲလ်အား လိုင်လီအသင်းထံမှပြောင်းရွှေ့ကြေး ပေါင် (၂၇) သန်းဖြင့် ခေါ်ယူခဲ့ပြီး ၎င်းအားနှစ်ရှည် စာချုပ်တစ်ရပ်ချုပ်ဆိုခဲ့သည်။
အာဆင်နယ်အသင်းနည်းပြ အာတီတာက လိုင်လီအသင်းမှရောက်ရှိလာသော ဘရာဇီးလ်နောက်ခံလူ ဂါဘရီယဲလ် (၂၂ နှစ်)အား အရည်အသွေးရှိ နောက်ခံလူတစ်ဦးဟု ချီးကျူးခဲ့ပြီး ၎င်းရောက်ရှိလာခြင်းကြောင့် မိမိတို့အာဆင်နယ်အသင်းနောက်တန်းမှာ တောင့်တင်းလာပြီဟုပြောကြားခဲ့သည်။
အာဆင်နယ်အသင်းသည် ဘရာဇီးလ်ယူ-၂၀ ကစားသမားဟောင်း ဂါဘရီယဲလ်အား လိုင်လီအသင်းထံမှပြောင်းရွှေ့ကြေး ပေါင် (၂၇) သန်းဖြင့် ခေါ်ယူခဲ့ပြီး ၎င်းအားနှစ်ရှည် စာချုပ်တစ်ရပ်ချုပ်ဆိုခဲ့သည်။
ဂါဘရီယဲလ်သည် ယခုနွေရာသီအတွင်း အာဆင်နယ်အသင်း စာချုပ်ခေါ်ယူခဲ့သည့် (၄)ယောက် မြောက်ကစားသမားဖြစ်လာပြီး၊ သူ့အရင်က စပိန်နောက်ခံလူ ပါဘလိုမာရီနှင့်ပေါ်တူဂီနောက်ခံလူ စီဒရစ်တို့(အငှားခေါ်ယူထားသူများ)ကို အပြီးသတ်စာချုပ်ကာချယ်လ်ဆီး နှင့်လမ်းခွဲခဲ့သောဘရာဇီးလ်ကွင်း လယ်လူဝီလီယံကို အလွတ်ခေါ်ယူခဲ့သည်။
လက်ရှိတွင် အာဆင်နယ်၌ဘရာဇီးလ်ကစားသမား(၄)ဦး(မာတင်နယ်လီ၊ ဝီလီယံ၊ ဒေးဗစ်လူးဝစ်ဇ်၊ ဂါဘရီယဲလ်) အထိရှိလာခဲ့ပြီဖြစ်ရာ နောက်ခံလူဒေးဗစ်လူးဝစ်ဇ်က အာဆင်နယ်အသင်းတွင် ဘရာဇီးလ်မိသားစု ကြီးထွားလာခဲ့ပြီဟု Arsenal Digital TV မှထုတ်လွှင့်သော Group Chatting အစီအစဉ်တွင် ပြောကြားခဲ့သည်။
