သတင်းတွေအရ ယူနိုက်တက်အသင်းဟာ ဂါနာချိုအတွက် နာပိုလီအသင်းရဲ့ပထမဆုံးအကြိမ်ကမ်းလှမ်းမှုကို ပယ်ချလိုက်တယ်လို့ သိရပါတယ်။ ဂါနာချိုဟာ ပြီးခဲ့တဲ့နှစ်အနည်းငယ်အတွင်းမှာ စွမ်းဆောင်ရည်ပိုင်းမတည်ငြိမ်ခဲ့တာကြောင့် အနာဂတ်က မသေချာတဲ့အနေအထားဖြစ်လာခဲ့တာဖြစ်ပါတယ်။
နာပိုလီအသင်းက ဂါနာချိုကို ကာဗာစခီလီယာနေရာအတွက် အစားထိုးဖို့ ပြင်ဆင်နေတာဖြစ်ပြီး ပထမဆုံးအကြိမ်ပေါင်သန်း ၄၀ နဲ့ကမ်းလှမ်းခဲ့ပေမယ့် ပယ်ချခံခဲ့ရပါတယ်။ မန်ချက်စတာညနေခင်းသတင်းဌာနကလည်း ယူနိုက်တက်ဟာ ဂါနာချိုအတွက် နာပိုလီအသင်းကမ်းလှမ်းတဲ့တန်ကြေးထက်ပိုလိုချင်နေတယ်လို့ ဖော်ပြခဲ့ပါတယ်။
ယူနိုက်တက်ဘက်က ဂါနာချိုအတွက် ပေါင် ၈၂ သန်းလောက်အထိ အလိုရှိနေတယ်လို့ သိရပါတယ်။ နာပိုလီနည်းပြ ကွန်တီကိုယ်တိုင်က ကာဗာစခီလီယာနေရာအတွက် အာဂျင်တိုင်းသားကို အလိုရှိနေပါတယ်။ ဒါပေမယ့်လည်း ယူနိုက်တက်ဘက်ကသတ်မှတ်ထားတဲ့တန်ကြေးက များပြားလွန်းနေတာကြောင့် အခက်တွေ့နေပါတယ်။
ယူနိုက်တက်ကနေ ဂါနာချိုတစ်ယောက်ထွက်ခွာဖို့နီးစပ်နေပေမယ့် အာမိုရင်ရဲ့အစီအစဉ်ထဲမှာ ပါဝင်နေဆဲဖြစ်ပါတယ်။
ယူနိုက်တက်ဟာ လာမယ့်ဇန်နဝါရီ ၁၉ ရက်နေ့မှာ ဘရိုက်တန်အသင်းနဲ့ရင်ဆိုင်ရမှာဖြစ်ပါတယ်။
