လီဗာပူးလ်နည်းပြ ကလော့ပ်က ကစားသမားသစ် ဂက်ပိုနှင့် အလုပ်အတူ တွဲလုပ်ရတော့မည့်ဖြစ်၍ စိတ်လှုပ်ရှားမိကြောင်း ပြောကြားခဲ့သည်။
လီဗာပူးလ်အသင်းသည် ဒီဇင်ဘာ (၂၈) ရက်တွင် ဂက်ပိုကို ခေါ်ယူကာ (၅)နှစ်ခွဲ သက်တမ်းရှိ စာချုပ်တစ်ရပ် ချုပ်ဆိုခဲ့ကြောင်း သိရသည်။
ဂက်ပိုနှင့်ပတ်သက်ပြီး ကလော့ပ်က ”ဂက်ပိုက (၂၃) နှစ်ပဲရှိသေးပေမဲ့ အတွေ့အကြုံများသူပါ။ PSV အသင်း ခေါင်းဆောင်ဖြစ်သလို၊ နယ်သာလန်လိဂ်မှာ အကောင်းဆုံးကစားသမားဆုရခဲ့သူလည်းဖြစ်တယ်။ သူက စွယ်စုံရကစားသမားဖြစ်သလို၊ အရမ်းတော်တဲ့ ကစားသမားတစ်ဦးပါ။ သူနဲ့ လက်တွဲလုပ်ရမယ့်အပေါ် စိတ်လှုပ်ရှားမိပါတယ်”ဟု ပြောကြားခဲ့သည်။
