ခြေထောက်ကျိုးနေသည့် အိုင်ယာလန် နာမည်ကြီး MMA အားကစားသမား မက်ဂရီဂေါ်သည် လာမည့်လတွင် Wheelchair ဖြင့်ထိုးသတ်ရမည့် ရန်ပုံငွေလက်ဝှေ့ပွဲကို ဆင်နွှဲမည်ဖြစ်ကြောင်း သိရသည်။
မက်ဂရီဂေါ်သည် ဇူလိုင်လ ၁၀ ရက်က ထိုးသတ်ခဲ့သည့် UFC 264 ဒပ်စတင်ပိုရီ ယေးနှင့်ပွဲတွင် ခြေထောက်ကျိုးခဲ့သဖြင့် ပထမအချီအပြီးမှာပင် အရှုံးပေးခဲ့ရသည်။ ယင်းရန်ပုံငွေပွဲတွင် မက်ဂရီဂေါ်သည် ဟာသသရုပ်ဆောင် အယ်လ်ဖိုရန်နှင့် ရင်ဆိုင်ထိုးသတ် ရမည်ဖြစ်ကြောင်း သိရသည်။
အဆိုပါရန်ပုံ ငွေပွဲကို ဟာသသရုပ်ဆောင်တစ်ဦးပင်ဖြစ်သည့် စတီဗိုတီမိုသီက ဦးဆောင်ကျင်းပခြင်း ဖြစ်ပြီး စက်တင်ဘာ ၁၁ ရက်တွင် အိုင်ယာလန်နိုင်ငံ၊ ဂယ်လ်ဝေးမြို့ရှိ ကလေတန် ဟိုတယ်၌ ပြုလုပ်မည်ဖြစ်ကာ ရရှိသည့်ငွေ ကြေးကို Irish Wheelchair အဖွဲ့အစည်း သို့ လှူဒါန်းသွားမည်ဖြစ်သည်။
ပွဲစီစဉ်သူ တီမိုသီကိုယ်တိုင်မှာလည်း အိုလံပစ်ချန်ပီယံ နှစ်ကြိမ်ဖြစ်ဖူးသူ အိုင်ယာလန်လက်ဝှေ့သမားဟောင်း ပတ်ဒီဘန်းစ်နှင့် Wheelchair လက် ဝှေ့ပွဲထိုးသတ်မည်ဖြစ်ကြောင်း သိရသည်။ မက်ဂရီဂေါ်က သူ၏ Twitter တွင် ယင်းပွဲ ထိုးသတ်မည့်အကြောင်း ပရိသတ်များကို အ သိပေးခဲ့ပြီး ဖိုရန်သည် ဆိုးရွားလှသော သူ့ပုံစံတူ သရုပ်ဆောင်မှုများကို နှစ်ပေါင်းများစွာ ပြုလုပ်ခဲ့သူဟု ရေးသားခဲ့သည်။
မက်ဂရီဂေါ် ၏ခြေထောက်ဒဏ်ရာမှာ MMA ပွဲ ပြန်ထိုးရန် တစ်နှစ်ခန့် အနားယူရဖွယ်ရှိသည်။
