◘ ချယ်လ်ဆီး – ဒေါ့မွန် (မြန်မာစံတော်ချိန် ဗုဒ္ဓဟူးနေ့ နံနက် ၂း၃၀ နာရီ)
ချယ်လ်ဆီးက ဒေါ့မွန်အသင်းရဲ့ကွင်းမှာတုန်းက ကစားခဲ့တာကောင်းပါတယ်။ အထူးသဖြင့် ချန်ပီယံလိဂ်မှာ ချယ်လ်ဆီးရဲ့ကစားပုံက ပရီးမီးယားလိဂ်မှာထက် ပိုကောင်းတာကို တွေ့ရတယ်။ ချယ်လ်ဆီးအသင်း ဒေါ့မွန်ကွင်းကခြေစွမ်းကို ထိန်းထားနိုင်ပြီး ဂိုးရတဲ့အနေအထားမှာ ခံစစ်ကိုယိုင်သွားတာမျိုး မဖြစ်ဘူးဆိုရင် မျှော်လင့်ချက်ရှိတယ်။ ဒေါ့မွန်က နောက်ပိုင်းပွဲတွေမှာ Rhythm အရမ်းမှန်နေတာ တွေ့ရတယ်။ ချယ်လ်ဆီးထက် Team Work ပိုကောင်းပြီး တိုက်စစ်ပိုင်းကလည်း ယုံကြည်မှုမြင့်တာ တွေ့ရတယ်။ ချယ်လ်ဆီးရဲ့ ချန်ပီယံလိဂ်အစဉ်အလာကိုတော့ ဒေါ့မွန် သတိထားရမှာဖြစ်ပြီး ကစားပုံကိုတော့ ကြောက်စရာမရှိဘူး။ ဒီပွဲက ချယ်လ်ဆီး ကပ်နိုင်ဖို့ရှိပြီး အချိန်ပိုအထိ ရောက်သွားနိုင်တဲ့ပွဲပါ။
◘ ဘင်ဖီကာ – ကလပ်ဘရုဂေး (မြန်မာစံတော်ချိန် ဗုဒ္ဓဟူးနေ့ နံနက် ၂း၃၀ နာရီ)
ဘင်ဖီကာက ကွာတားဖိုင်နယ်အတွက် အဆင်သင့်ဖြစ်နေပါပြီ။ အဝေးကွင်းမှာ (၂)ဂိုးအသာနဲ့ အနိုင်ရပြီးတဲ့နောက် အိမ်ကွင်းမှာ သူတို့ စိတ်ကြိုက်ကစားလိမ့်မယ်။ ဖိအားကင်းကင်းနဲ့ ကစားလိမ့်မယ်။ ဘရုဂေးက ရှုံးထွက်အဆင့်အထိ တက်လာနိုင် ခဲ့တာနဲ့တင် ကျေနပ်ရတော့မယ့် အနေအထားလည်းဖြစ်တယ်။ ဘင်ဖီကာနဲ့ ပထမအကျော့ပွဲတုန်းက တစ်ဦးချင်းရော အသင်းလိုက်ပါ မယှဉ်နိုင်ခဲ့တာကို တွေ့ရတယ်။ ဒီပွဲကလည်း ဘင်ဖီကာပဲ နိုင်ဦးမှာပဲ။
