မန်စီးတီး – ရီးယဲလ်မက်ဒရစ် (မြန်မာစံတော်ချိန် ဧပြီလ ၂၇ ရက် နံနက် ၁း၃၀ နာရီ)
ရီးယဲလ်မက်ဒရစ်က ဥရောပရဲ့ အအောင်မြင်ဆုံးအသင်းဖြစ်ပြီး အတွေ့အကြုံရင့်၊ အရှိန်အဝါကြီး အသင်းကြီးတစ်သင်းပါ။ ဒီအသင်းမှာ မထင်မှတ်တာတွေကို လုပ်ပြနိုင်စွမ်းလည်းရှိတယ်။ တိုက်စစ်ပိုင်းမှာ ဘန်ဇီမာက အကောင်းဆုံးပုံစံကို ပြသနေပြီး ဗင်နီစီယက်စ်၊ ရိုဒရီဂိုတို့ကလည်း အားကိုးရတဲ့ ကစားသမားတွေဖြစ်တယ်။ ဒါ့အပြင် ကွင်းလယ်မှာ မိုဒရစ်၊ တိုနီကရို့စ်၊ ကက်စီမီရိုတို့ကလည်း မန်စီးတီးကွင်းလယ်ကို ယှဉ်ကစားနိုင်လောက်တဲ့ ကစားသမားတွေဖြစ်တယ်။ ဒါပေမဲ့ အသင်းလိုက်ခြေစွမ်းပိုင်းချင်းယှဉ်ရင် မန်စီးတီးကို ရီးယဲလ် ယှဉ်ကစားနိုင်ဖို့ခက်တယ်။ မန်စီးတီးအသင်းရဲ့ကစားသမားတွေက ပွဲတစ်ပွဲကို ထိန်းချုပ်ကစားတဲ့အပိုင်းကို အရမ်းကျွမ်းကျင်ပြီး ပြိုင်ဘက်အသင်းက အင်အားကြီးကြီး၊ ငယ်ငယ် သူတို့က ပွဲကိုထိန်းချုပ်နိုင် စွမ်းရှိကြတယ်။ မန်စီးတီးအနေနဲ့ သတိထားရမယ့်အပိုင်းက ဘန်ဇီမာရဲ့ မထင်မှတ်တဲ့အခြေအနေ၊ နေရာတွေကနေ ခြိမ်း ခြောက်နိုင်စွမ်းဖြစ်ပြီး ဘန်ဇီမာကို ကောင်းကောင်းထိန်းချုပ်ကစားနိုင်ရင် မန်စီးတီး နိုင်ဖို့များပါတယ်။ မန်စီးတီးရဲ့ လက်ရှိခြေစွမ်းကြောင့် (၂-၁၊ ၃-၁) လောက်ဖြစ်မယ်ထင်တယ်။
