စီးရီးအေကလပ် ဖီအိုရင်တီးနားအသင်းသည် အသင်း၏ မော်ရိုကိုလက်ရွေးစင်ကွင်းလယ်လူ အမ်မရာဘတ် (၂၆ နှစ်)အတွက် ပရီးမီးယားလိဂ်ထိပ်သီးကလပ် မန်ယူအသင်း၏ ကမ်းလှမ်းလာမှုအား စောင့်ဆိုင်းနေကြောင်းသိရသည်။
မန်ယူအသင်းသည် ပြီးခဲ့သည့် ရက်သတ္တများအတွင်းက ဖီအိုရင်တီးနား ကွင်းလယ်လူ အမ်မရာဘတ်အားခေါ်ယူရန် ကြိုးပမ်းနေသည်ဟု သတင်းများထွက်ပေါ်နေသော်လည်း လက်ရှိအချိန်အထိ ကမ်းလှမ်းမှုတစ်စုံတစ်ရာမရှိသေးဘဲ စောင့်ကြည့်ဆဲအခြေအနေတွင်သာ ရှိနေသေးကြောင်းသိရသည်။
ထို့ပြင် မန်ယူအသင်းသည် ပြီးခဲ့သည့်ရက်ပိုင်းအတွင်းက ကင်မရွန်းဂိုးသမားအိုနာနာနှင့် ဒိန်းမတ်တိုက်စစ်မှူး ဟွိုင်လန်းတို့ကို ယူရိုသန်း (၁၂၀)ကျော်အသုံးပြုခေါ်ယူထားခြင်းကြောင့် အမ်မရာဘတ်အားခေါ်ယူနိုင်ရန်အတွက် ကွင်းလယ်လူ ဖရက်ဒ်နှင့် တွမ်မီနေးတို့ကို ရောင်းချပြီးမှသာ မျှော်လင့်နိုင်ဖွယ်ရှိနေသည်။
ဖီအိုရင်တီးနားအသင်းသည် အမ်မရာဘတ်အတွက် ပြောင်းရွှေ့ကြေး ယူရိုသန်း (၃၀) (၂၅ သန်း+Add ons ၅ သန်း)အလိုရှိနေပြီး ယခုနွေရာသီတွင် ရောင်းချနိုင်ရန် ဆန္ဒပြင်းပြနေကြောင်းသိရသည်။
