လက်စတာအသင်းမှ တူရကီနောက်ခံလူ ဆိုယွန်ဂျူသည် ကြွက်သားဒဏ်ရာကြောင့် (၃)လခန့် အနားယူရမည်ဖြစ်ကြောင်း သိရှိရသည်။
ဆိုယွန်ဂျူ(၂၄ နှစ်)သည် တူရကီလက်ရွေးစင်အသင်းအတွက် နိုင်ငံတကာပွဲ သွားရောက်ကစားစဉ် ပေါင်ခြံကြွက်သား စုတ်ပြဲသည့်ဒဏ်ရာ ရရှိခဲ့ခြင်းဖြစ်ကြောင်း သိရှိရသည်။
ထို့ကြောင့် ဆိုယွန်ဂျူသည် အက်စတွန်ဗီလာနှင့်ပွဲကို လွဲချော်ခဲ့ရသလို (၃)လဝန်းကျင် အနားယူရမည်ဖြစ်ကြောင်း လက်စတာနည်းပြ ဘရန်ဒန်ရော်ဂျာက အတည်ပြုခဲ့ပြီး အသင်းအတွက် ကြီးမားသည့် ဆုံးရှုံးမှုဖြစ်သည်ဟုလည်း ဆိုခဲ့သည်။
ထို့ပြင် တိုက်စစ်မှူး ဗာဒီမှာ ခြေသလုံးကြွက်သားဒဏ်ရာကြောင့် ယူရိုပါလိဂ်ပွဲစဉ်ကို လွဲချော်ဖွယ်ရှိသော်လည်း လာမည့်တစ်ပတ် အာဆင်နယ်နှင့် ယှဉ်ပြိုင်ကစားမည့်ပွဲတွင် ပြန်လည်ပါဝင်လာနိုင်ဖွယ်ရှိကြောင်းလည်း ပြောကြားခဲ့သည်။
