ယူနိုက်တက်လူငယ်ကြယ်ပွင့် ကိုဘီမိုင်နူးဟာ ကြွက်သားဒဏ်ရာကြောင့် ရက်သတ္တပတ်အနည်းငယ် အနားယူရတော့မယ်လို့ သိရပါတယ်။
၁၉နှစ်သားဟာ တော့တင်ဟမ်နဲ့ပွဲစဉ်ကို ဒဏ်ရာကြောင့် လူစားလဲခံခဲ့ရပြီးနောက် ယူရိုပါလိဂ်ပွဲစဉ်ကို လွဲချော်ခဲ့ပေမယ့် အက်စတွန်ဗီလာနဲ့ပွဲမှာတော့ ပြန်လည်ပါဝင်လာခဲ့ပါတယ်။
ဒါပေမယ့် ဗီလာပက်ခ်မှာ ကစားခဲ့တဲ့ပွဲစဉ်အတွင်း တံကောက်ကြောဒဏ်ရာကြောင့် လူစားလဲခံခဲ့ရပြီးနောက် အင်္ဂလန်အသင်းရဲ့နေးရှင်းလိဂ်ပွဲစဉ်တွေကို လွဲချော်သွားခဲ့ပါတယ်။
ယခုအချိန်မှာတော့ အင်္ဂလန်သားဟာ ကြွက်သားဒဏ်ရာကြောင့် ရက်သတ္တပတ်အနည်းငယ် အနားယူရတော့မယ်လို့ သိရပါတယ်။
မိုင်နူးဟာ နည်းပြတန်ဟတ်လက်အောက် ပုံမှန်ပွဲထွက်ခွင့်ရနေပြီး ကတ်စ်မဲရိုး၊ ယူဂါတီတို့ကို ကစားသမားတွေကိုကျော်ကာ နေရာပေးခံထားရတာ ဖြစ်ပါတယ်။
ယခုနှစ်ရာသီ ပရီးမီးယားလိဂ်ပွဲစဉ်တိုင်းမှာ ပွဲထွက်ထားတဲ့ မိုင်နူး မပါဝင်တော့တဲ့ အခြေအနေကြောင့် တန်ဟတ်အနေနဲ့ ဘရန့်ဖို့ဒ်နဲ့ပွဲစဉ်မှာ ကွင်းလယ်ကို ကျိန်းသေပေါက် အပြောင်းအလဲလုပ်ရတော့မှာ ဖြစ်ပါတယ်။
ယူနိုက်တက်အတွက် သတင်းကောင်းကတော့ နှလုံးခွဲစိတ်ကုသမှုခံယူထားတဲ့ မာဇရာဝီတစ်ယောက် အသင်းနဲ့ လေ့ကျင့်ခန်း ပြန်ဆင်းနေတာပဲ ဖြစ်ပါတယ်။
အလားတူ ဂါနာချိုနဲ့ အာမက်တို့လည်း လေ့ကျင့်ခန်းဆင်းနေကြပြီဖြစ်ပေမယ့် မေဆင်မောင့်နဲ့ လုခ်ရှောတို့ကတော့ ပါဝင်ဖို့ မသေချာသေးကြောင်း သိရပါတယ်။
