ပရီးမီးယားလိဂ်ထိပ်သီးအသင်းများဖြစ်သည့် အာဆင်နယ်နှင့် မန်စီးတီးအသင်းတို့သည် ကိုပင်ဟေဂင်အသင်းမှ ဒိန်းမတ်ဆယ်ကျော်သက်ကွင်းလယ်ကစားသမား ပန်ဒူရိုကို ခေါ်ယူရန် စိတ်ဝင်စားနေကြောင်း သိရသည်။
ပန်ဒူရို(၁၅ နှစ်)သည် လက်ရှိအချိန်တွင် ဒိန်းမတ်ယူ-၁၆ အသင်း၌ ကစားနေသူဖြစ်ပြီး ၎င်းကို အခြားသော ဥရောပကလပ်အသင်းများကလည်း ကင်းထောက်များစေလွှတ်ကာ စောင့်ကြည့်လျက်ရှိကြောင်း သိရသည်။
အနာဂတ်တွင် တောက်ပလာမည့် ကြယ်ပွင့်တစ်ဦးအဖြစ် ထင်ကြေးပေးခံထားရသည့် ပန်ဒူရိုသည် အင်္ဂလန်လက်ရွေးစင်အဖြစ်လည်း ကစားနိုင်သည့်အခွင့်အရေးရှိနေသောကြောင့် ပရီးမီးယားလိဂ်ကလပ်အသင်းများကို ဦးစားပေးရွေးချယ်ဖွယ်ရှိကြောင်း သိရသည်။
