ယူနိုက်တက်နည်းပြ တန်ဟက်က ကက်စ်မဲရိုးတစ်ယောက် အသင်းကနေ ထွက်ခွာနိုင်ချေရှိတယ်လို့ ပြောကြားလိုက်ပါတယ်။
အသက် ၃၂ နှစ်သားဟာ ၂၀၂၂ – ၂၃ ရာသီတုန်းက စွမ်းဆောင်ရည်ကောင်းတွေပြသထားနိုင်ခဲ့ပေမယ့် ပြီးခဲ့တဲ့ရာသီတုန်းက ဒဏ်ရာပြဿနာတွေကြောင့် ရုန်းကန်ခဲ့ရတာဖြစ်ပါတယ်။
ရီးရဲလ်စတားဟောင်းကို ဆော်ဒီမြေက ချိတ်ဆက်နေပေမယ့် ကွန်မြူနတီဒိုင်းပွဲအပါအဝင် ယူနိုက်တက်ရဲ့ရာသီကြိုခြေစမ်းပွဲစဉ်တွေမှာ ပုံမှန်ကစားခွင့်ရရှိခဲ့ပါတယ်။
ဘရာဇီးသားဟာ ယူနိုက်တက်ကွင်းလယ်မှာ စွမ်းဆောင်ရည်ကောင်းတွေပြသနိုင်ခဲ့ပေမယ့် လာမယ့်ရာသီဆက်ရှိဖို့ မသေချာတာဖြစ်ပါတယ်။
ကွန်မြူနတီဒိုင်းပွဲအပြီးမှာ တန်ဟက်က “ကက်စ်မဲရိုးလား?။ အဲ့တာက နည်းစနစ်ကြောင့်လို့ ကျွန်တော်မထင်ပါဘူး။ ရာသီကြိုခရီးစဉ်မှာ သူအရမ်းကိုအဆင်ပြေနေပါတယ်။
အသင်းတစ်သင်းအနေနဲ့လည်း ကျွန်တော်တို့ ကောင်းကောင်းလုပ်ဆောင်ထားနိုင်ပါတယ်။ အဲ့တာက ကက်စ်မဲရိုးအတွက် လွယ်ကူစေပါတယ်။ သူက ကစားသမားကောင်းတစ်ဦးဖြစ်သလို အသင်းအတွက်လည်း အရမ်းအရေးပါတဲ့သူပါ။
ဒီမှာဆက်နေမယ့်အကြောင်းအရင်းတော့ မရှိသေးပါဘူး။ ကျွန်တော်တို့ အဲ့တာနဲ့ပတ်သက်ပြီး ပျော်ပါတယ်။ စီးတီးကို ကောင်းကောင်းရင်ဆိုင်နိုင်ခဲ့သလို ရက်ရှ်ဖို့ဒလ်ကလည်း ကွင်းထဲမှာ အကောင်းဆုံးလုပ်ပြနိုင်ခဲ့ပါတယ်။
ကျွန်တော်တို့ ဘောလုံးနဲ့အတူဖိအားပေးနိုင်ခဲ့သလို ဘောလုံးပိုင်ဆိုင်မှုအပိုင်းမှာလည်း ဖိအားပေးနိုင်ခဲ့ပါတယ်။ ကွင်းလယ်မှာ ပုံစံကောင်းတစ်ချို့ရှိခဲ့ပေမယ့် ကျွန်တော်တို့ အခွင့်အရေးတွေဖန်တီးနိုင်ခဲ့ပါတယ်။
စီးတီးကိုဒီနေ့ရင်ဆိုင်ခဲ့သလိုမျိုး လာမယ့်ရာသီသစ်မှာလည်း အဲ့တာကို ဆက်လက်သယ်ဆောင်သွားနိုင်ဖို့ လိုအပ်ပါတယ်”လို့ တန်ဟက်က ပြောကြားခဲ့ပါတယ်။
