အယ်လ်ဘေးနီးယား – ဘီလာရုစ် (မြန်မာစံတော်ချိန် နိုဝင်ဘာ ၁၈ ရက် ည ၉:၃၀ နာရီ)
ခြေသိပ်မကွာကြတဲ့အသင်းတွေပါ။ လူအင်အားလည်း မကွာဘူး။ ဘီလာရုစ်က ခြေလည်းပိုငြိမ်တယ်။ ဒါပေမဲ့ ပထမအကျော့တုန်းက အယ်လ်ဘေးနီးယားက အဝေးကွင်းမှာနိုင်ခဲ့တယ်။ ဒီပွဲတော့ ဘီလာရုစ် သရေလောက်ကစားနိုင်မှာပါ။
ကာဇက်စတန် – လစ်သူယေးနီးယား (မြန်မာစံတော်ချိန် နိုဝင်ဘာ ၁၈ ရက် ည ၉:၃၀ နာရီ)
ကာဇက်စတန်က ပထမအကျော့တုန်းက လစ်သူယေးနီးယားကို အဝေးကွင်းမှာ နိုင်ခဲ့ပြီး၊ ဒီပွဲအတွက်လည်း အခွင့်အရေးသာပါတယ်။ နောက်ပိုင်းနှစ်တွေမှာ ကစားတဲ့ခြေအရ ကာဇက်စတန်ကိုပဲ ပိုကြိုက်တယ်။
အာမေးနီးယား – မက်ဆီဒိုးနီးယား (မြန်မာစံတော်ချိန် နိုဝင်ဘာ ၁၈ ရက် ည ၁၁:၃၀ နာရီ)
ပန်ဒက်ဗ်ရဲ့ဦးဆောင်မှုနဲ့အတူ မက်ဆီဒိုးနီးယားက ယူရိုမှာ ခြေစစ်ပွဲအောင်မြင်သွားခဲ့တယ်။ Nations League မှာလည်း အခြေအနေကောင်းပါတယ်။ ပထမအကျော့တုန်းက နိုင်ခဲ့သလို၊ ဒီပွဲလည်း မက်ဆီဒိုးနီးယားကို ကြိုက်တယ်။
ဘော့စနီးယား – အီတလီ (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဘော့စနီးယားက အုပ်စုတွင်းအားအနည်းဆုံးအသင်းပါ။ ဒါပေမဲ့ ပထမအကျော့တုန်းက အီတလီကွင်းမှာ သရေခံကစားခဲ့တာတွေ့ရတယ်။ လူအင်အားနဲ့ စုဖွဲ့မှုအပိုင်းမှာ အီတလီ ပိုကောင်းပြီး ဘော့စနီးယားမြေမှာ နောက်ဆုံးကစားခဲ့တုန်းကလည်း အီတလီ နိုင်ခဲ့တယ်။ ဒီပွဲလည်း ကပ်နိုင်ဖို့များတယ်။
ပိုလန် – နယ်သာလန် (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ပိုလန်ရဲ့လူအင်အားက နယ်သာလန်ကို စိုးရိမ်စရာ မလိုတဲ့အနေအထားမှာ ရှိပါတယ်။ တိုက်စစ်ပိုင်းကလည်း လီဝန်ဒေါစကီးအပါအဝင် ထိပ်တန်းကစားသမားတွေရှိပြီး နယ်သာလန်ခံစစ်ကို ဒုက္ခပေးနိုင်လိမ့်မယ်။ နယ်သာလန်ရဲ့ ခြေစွမ်းကိုလည်း သိပ်အားမရလို့ ပိုလန်ကိုကြိုက်တယ်။
ဘယ်လ်ဂျီယံ – ဒိန်းမတ် (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဘယ်လ်ဂျီယံက ပထမအကျော့ ဒိန်းမတ်ကွင်းမှာတုန်းက (ဝ-၂)နဲ့ အနိုင်ရခဲ့တယ်။ ဒါပေမဲ့ လွယ်ကူတဲ့ပွဲတစ်ပွဲတော့ မဟုတ်ခဲ့ဘူး။ လက်ရှိ ဒိန်းမတ်ရဲ့ခြေစွမ်းနဲ့ မာကျောမှုက ဘယ်လ်ဂျီယံကို ဒုက္ခပေးနိုင်ပါတယ်။ ဘယ်လ်ဂျီယံနိုင်ဖို့ရှိပေမဲ့ ဂိုးမပြတ်လောက်ဘူး။ (၂-၁)လောက်ပဲ ဖြစ်မယ်။
အင်္ဂလန် – အိုက်စလန် (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
အင်္ဂလန်နဲ့ အိုက်စလန်က ယူရိုမှာ တစ်ကြိမ်၊ Nations League မှာတစ်ကြိမ် တွေ့ခဲ့ပြီး နှစ်ပွဲစလုံး အင်္ဂလန် အသည်းအသန်ပါပဲ။ ယူရိုတုန်းက ထွက်ခဲ့ရပြီး၊ Nations League မှာလည်း ကံကောင်းလို့ ကပ်နိုင်ခဲ့တာဖြစ်တယ်။ ဒီတစ်ကြိမ်တော့ အင်္ဂလန် ဂိုးပြတ်သွင်းမယ်လို့ ယုံကြည်နေတယ်။
ဩစတြီးယား – နော်ဝေ (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဩစတြီးယားနဲ့ နော်ဝေပွဲက စိတ်ဝင်စားစရာပွဲကောင်း တစ်ပွဲဖြစ်လာလိမ့်မယ်။ နှစ်သင်းစလုံးက ဥရောပအသင်းကြီးတွေမှာ ခြေစွမ်းပြနေပြီး စောင့်ကြည့်ရမဲ့ ကစားသမားတွေ ရှိတဲ့အသင်းတွေပါ။ လက်ရှိအနေအထားအရ နော်ဝေကို ပိုကြိုက်ပေမဲ့ သရေလောက်ပဲ ဖြစ်မယ်။
မ/အိုင်ယာလန် – ရိုမေးနီးယား (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ခြေသိပ်မကွာကြဘူး။ ဂိုးသွင်းအားနည်းတယ်။ ခံစစ်ကို စိတ်ချရအောင် အားပြုကစားနိုင်ကြတယ်။ ထိပ်တိုက်တွေ့ဆုံခဲ့တဲ့ပွဲတွေက သရေနဲ့ အဆုံးသတ်ပြီး ဂိုးလည်းနည်းခဲ့တာတွေ့ရတယ်။ ဒီပွဲလည်း (ဝ-ဝ၊ ၁-၁)ပါပဲ။
ချက် – ဆလိုဗက်ကီးယား (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဥရောပရဲ့ ဒါဘီပြိုင်ဘက်စစ်စစ်တွေဖြစ်ပြီး တစ်ချိန်က တစ်နိုင်ငံတည်း ဖြစ်ခဲ့ဖူးတယ်။ ကတ္တီပါလမ်းခွဲနဲ့အတူ ခွဲခွာခဲ့ကြတယ်။ အဲဒီနောက်ပိုင်းချက်က အမြဲအသာစီးယူခဲ့တယ်။ အ ခုအချိန်မှာလည်း ဆလိုဗက်ကီးယား ခြေကျနေချိန်ဖြစ်လို့ ချက် ကိုပဲ ကြိုက်တယ်။
အစ္စရေး – စကော့တလန် (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
အစ္စရေးက ၂၀၂၀ အတွင်းမှာပဲ Nations League မှာရော၊ ယူရိုခြေစစ်ပွဲမှာပါ စကော့တလန်ကို အဝေးကွင်းတွေမှာ သရေကစားခဲ့တယ်။ အခုအိမ်ကွင်းဖြစ်နေလို့ မျှော်လင့်ချက် ပို ရှိပါတယ်။ ဒါပေမဲ့ ကစားသမားအင်အားအရ စကော့တလန်က အများကြီးသာတယ်။ စကော့တလန် သရေနဲ့အနိုင်ပဲ။
ဟန်ဂေရီ – တူရကီ (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဟန်ဂေရီက တူရကီလောက် လူအင်အား မကောင်းပေမဲ့ စုဖွဲ့မှုကောင်းတယ်။ တူရကီကို ယှဉ်ကစားနိုင်ပါတယ်။ ပထမအကျော့တုန်းကလည်း အဝေးကွင်းမှာ အနိုင်ကစားခဲ့ တယ်။ ဒီပွဲလည်း ဟန်ဂေရီပဲ ကြိုက်တယ်။
ဆားဘီးယား – ရုရှား (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဆားဘီးယားက ယူရိုခြေစစ်ပွဲ Play-off မှာ စကော့တလန်ကို ပယ်နယ်တီနဲ့ ရှုံးပြီးထွက်ခဲ့ရတယ်။ ကစားသမားစုဖွဲ့မှုက ထိပ်တန်းအဆင့်ရှိပေမဲ့ စိတ်မချရတဲ့အသင်းမျိုးလည်း ဖြစ်တယ်။ ရုရှားက ခြေကျနေတယ်လို့ ပြောလို့ရပေမဲ့ ဆားဘီးယားကို အနိမ့်ဆုံးသရေကစားလိမ့်မယ်။
အိုင်ယာလန် – ဘူလ်ဂေးရီးယား (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဘူလ်ဂေးရီးယားက ခြေသိပ်မကွာတဲ့ အုပ်စုမှာ အဆိုးဆုံး အနေအထားဖြစ်နေပြီး အားရစရာမရှိဘူး။ ကစားသမားတစ်ဦးချင်းက အားနည်းသလို၊ စုဖွဲ့မှုကလည်း စိတ်ပျက်စရာပါ။ အိုင်ယာလန်က ဒီခြေစစ်ပွဲတွေမှာ အခြေအနေမကောင်းခဲ့ပေမဲ့ ဘူလ်ဂေးရီးယားကိုတော့ အနိုင်ကစားလိမ့်မယ်။
ဝေးလ်စ် – ဖင်လန် (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဖင်လန်ရဲ့ခြေစွမ်းနဲ့ ရလဒ်ပိုင်းက မယုံနိုင်လောက်အောင် ကောင်းနေတယ်။ တစ်ဦးချင်းအနေနဲ့ ထွေထွေထူးထူး ပြောစရာမရှိပေမဲ့ စုဖွဲ့မှုအရဆိုရင် ဝေးလ်စ်ကို ကောင်းကောင်းယှဉ်ကစားနိုင်တဲ့အသင်းပါ။ ဝေးလ်စ်ကွင်းဆိုပေမဲ့ သရေလည်း ကျသွားနိုင်တယ်။
ဂရိ – ဆလိုဗေးနီးယား (မြန်မာစံတော်ချိန် နိုဝင်ဘာ ၁၉ ရက် နံနက် ၂:၁၅ နာရီ)
ဂရိက ပထမအကျော့တုန်းက ဆလိုဗေးနီးယားကို အဝေးကွင်းမှာ သရေကစားထားပြီး အခု အိမ်ကွင်းမှာ ပြန်ကစားရမယ်။ လူအင်အားသိပ်မကွာဘူး။ ဒါပေမဲ့ တိုက်စစ်ရော၊ ခံစစ်က စားပုံရောကြောင့် ဆလိုဗေးနီးယားကို ပိုကြိုက်တယ်။
