စပိန် – ဂျာမနီ (မြန်မာစံတော်ချိန် နိုဝင်ဘာ ၁၈ ရက် နံနက် ၂း၁၅ နာရီ)
ဂျာမနီက (၁)မှတ်ရတာနဲ့ အုပ်စုဗိုလ်နေရာနဲ့ ခြေစစ်ပွဲအောင်ပါပြီ။ ဒါပေမဲ့ ကစားရမှာက စပိန်အသင်းရဲ့ကွင်းဖြစ်နေတယ်။ အုပ်စုအစောပိုင်းပွဲစဉ်တွေမှာ ဂျာမနီက သရေပွဲတွေများခဲ့ပေမဲ့ နောက်ဆုံး (၂)ပွဲဆက်နိုင်ခဲ့ပြီး၊ စပိန်ကတော့ နောက်ဆုံး (၂)ပွဲမှာ ယူကရိန်းနဲ့ ဆွစ်ဇာလန်တို့ဆီက (၁)မှတ်ပဲရလိုက်လို့ အခြေအနေမကောင်းဘူးဖြစ်သွားတယ်။ နှစ်သင်းစလုံးက သူတို့ရဲ့အကောင်းဆုံးပုံစံတွေတော့ မဟုတ်ဘူး။ ဒါပေမဲ့ လက်ရှိ ဂျာမနီက စပိန်အသင်းထက် ပိုတောင့်တင်းပါတယ်။ စပိန်ရဲ့တိုက်စစ်ပိုင်းအားနည်းမှုက အကြီးမားဆုံးပြဿနာဖြစ်နေပြီး (၂)ဂိုးမသွင်းနိုင်တဲ့ပွဲတောင် တော်တော်ကြာနေပြီ။ လက်ရှိခြေစွမ်းနဲ့ ဂျာမနီကို အနိုင်ရဖို့ မလွယ်ပါဘူး။ ဂျာမနီကိုပဲ ကြိုက်တယ်။
ခရိုအေးရှား – ပေါ်တူဂီ (မြန်မာစံတော်ချိန် နိုဝင်ဘာ ၁၈ ရက် နံနက် ၂း၁၅ နာရီ)
ပေါ်တူဂီက League B ကိုလည်း မဆင်းတော့ဘူး။ အုပ်စုဗိုလ်လည်း မရနိုင်တော့ဘူး။ ဒီတော့ ဘာမျှော်လင့်ချက်မှမရှိဘဲ ကစားရမဲ့အသင်းဖြစ်တယ်။ ခရိုအေးရှားကတော့ ဒီအုပ်စုမှာ အခြေအနေ တော်တော်ဆိုးတယ်။ ပထမအကျော့တုန်းကလည်း ပေါ်တူဂီကို ဂိုးပြတ်ရှုံးထားတာ တွေ့ရတယ်။ ဒါပေမဲ့ ဒီပွဲအတွက်ဆိုရင်တော့ ခရိုအေးရှားက ပေါ်တူဂီထက် ပိုအရေးကြီး နေပါတယ်။ ဆွီဒင်နဲ့ အမှတ်တူအနေအထားမှာ League B ကို ဆင်းသွားနိုင်တဲ့အနေအထားဖြစ်နေတယ်။ ဒါကြောင့် အနည်းဆုံး အမှတ်တစ်မှတ်တော့ ယူနိုင်ဖို့ ကြိုးစားလိမ့်မယ်ထင်တယ်။ လက်ရှိအနေအထားအရဆိုရင် ခရိုအေးရှားရဲ့လူအင်အားကလည်း မညံ့ပါဘူး။ ပေါ်တူဂီ ပိုကောင်းပေမဲ့ ခရိုအေးရှား ယှဉ်နိုင်ပါတယ်။ ခရိုအေးရှားကို ကြိုက်တယ်။
ဆွစ်ဇာလန် – ယူကရိန်း (မြန်မာစံတော်ချိန် နိုဝင်ဘာ ၁၈ ရက် နံနက် ၂း၁၅ နာရီ)
ယူကရိန်းနဲ့ ဆွစ်ဇာလန်က ခြေညီတဲ့အသင်း၊ မာကျောပြီး အဆင့်အတန်းရှိတဲ့အသင်းတွေအဖြစ် နှစ်ပေါင်းများစွာ ရပ်တည်လာခဲ့ကြတယ်။ ဒီပွဲမှာ ဆွစ်ဇာလန်နိုင်ရင် (၆)မှတ်စီတူပြီး အုပ်စုတတိယနေရာအတွက် Head to Head ကြည့်မယ်။ ဆွစ်ဇာလန် အနိုင်တော့ကစားလိမ့်မယ်။
ပြင်သစ် – ဆွီဒင် (မြန်မာစံတော်ချိန် နိုဝင်ဘာ ၁၈ ရက် နံနက် ၂း၁၅ နာရီ)
ဆွီဒင်က ခရိုအေးရှားကို အနိုင်ရလိုက်တဲ့အတွက် အုပ်စုတတိယနေရာအတွက် မျှော်လင့်ချက်ရှိသွားတယ်။ ပြင်သစ်က အုပ်စုဗိုလ်သေချာသွားပြီဖြစ်လို့ သိပ်အားထည့်ဖို့မရှိပါဘူး။ ဒါပေမဲ့ ပေါ်တူဂီနဲ့ပွဲမတိုင်ခင် ဖင်လန်ကို ရှုံးတုန်းက ဝေဖန်မှုတွေနဲ့ ရင်ဆိုင်ခဲ့ရတဲ့ ပြင်သစ် ဒီပွဲကိုအနိုင်ကစားမှာပါ။
လူဇင်ဘတ် – အဇာဘိုင်ဂျန် (မြန်မာစံတော်ချိန် နိုဝင်ဘာ ၁၈ ရက် နံနက် ၂း၁၅ နာရီ)
လူဇင်ဘတ်က ဒီပွဲကိုနိုင်မှ မွန်တီနီဂရိုး ခြေချော်တာကို စောင့်ရမှာဖြစ်တယ်။ အဇာဘိုင်ဂျန်ထက် တိုက်စစ်ရော၊ ခံစစ်ပါ ပိုကောင်းပြီး ပထမအကျော့တုန်းကလည်း နိုင်ထားတယ်။ ဒီပွဲလည်း လူဇင်ဘတ်ကိုပဲ ကြိုက်တယ်။
မွန်တီနီဂရိုး – ဆိုက်ပရပ်စ် (မြန်မာစံတော်ချိန် နိုဝင်ဘာ ၁၈ ရက် နံနက် ၂း၁၅ နာရီ)
မွန်တီနီဂရိုးက လူဇင်ဘတ် ကပ်လိုက်နေလို့ နိုင်မှ စိတ်ချရမဲ့အနေအထားဖြစ်တယ်။ အုပ်စုတွင်းမှာ အောက်ဆုံးရောက်နေတဲ့ ဆိုက်ပရပ်စ်ကို အိမ်ကွင်းမှာ ကစားရမှာဆိုတော့ မခက်ပါဘူး။ အနိုင်ကစားလိမ့်မယ်။
