နယူးကာဆယ်အသင်းသည် ပြင်သစ်ကလပ် PSG အသင်း၌ အားကစားဒါရိုက်တာအဖြစ်ဆောင်ရွက်ခဲ့သည့် အန်တီရိုဟင်းနရစ်အား ခေါ်ယူရန် ပစ်မှတ်ထားနေကြောင်း သိရှိရသည်။
နယူးကာဆယ်အသင်းပိုင်ရှင်သစ်များသည် အရည်အသွေးရှိ ကစားသမားသစ်များခေါ်ယူနိုင်ရန်အတွက် အရည်အချင်းရှိသည့် အားကစားဒါရိုက်တာတစ်ဦးကို ခေါ်ယူရန်ဆန္ဒရှိနေပြီး အကယ်၍ ခန့်အပ်ဖြစ်ခဲ့ပါက အန်တီရိုဟင်းနရစ်မှာ နယူးကာဆယ်အသင်းသမိုင်းတစ်လျှောက် ပထမဆုံးအားကစားဒါရိုက်တာ ဖြစ်လာမည်ဖြစ်သည်။
ဟင်းနရစ်သည် PSG တွင် (၂)နှစ်ကြာတာဝန်ယူခဲ့ပြီး ၂၀၁၉ ခုနှစ်တွင် အသင်းနှင့်လမ်းခွဲခဲ့သူဖြစ်သည်။
ပေါ်တူဂီလူမျိုး ဟင်းနရစ်သည် ပေါ်တိုအသင်းတွင် အားကစားဒါရိုက်တာအဖြစ် ဆောင်ရွက်ခဲ့စဉ်က ဖယ်လ်ကာအို၊ ပေပေတို့လို ထိပ်တန်းကစားသမားများကို ရှာဖွေခေါ်ယူနိုင်ခဲ့သူဖြစ်သလို၊ PSG အသင်းတွင်လည်း ဘာပေကို ပြောင်းရွှေ့ကြေးအလွတ်ဖြင့် ခေါ်ယူပေးခဲ့သူဖြစ်ကြောင်း သိရှိရသည်။
