PSG အသင်းနည်းပြရာထူးမှ ထုတ်ပယ်ခံရမှုတွင် တိုက်စစ်မှူး ဘာပေ အဓိကအခန်း ကဏ္ဍမှ ပါဝင်ပတ်သက်ခဲ့သည်ဟု မယူဆကြောင်း နည်းပြဟောင်း ပိုချက်တီနိုက ပြောကြားခဲ့သည်။
အာဂျင်တီးနားမီဒီယာInfobae နှင့် အင်တာဗျူးတွင် ပိုချက်တီနိုက “ကိုင်လီယန် (ဘာပေ)ကို ထိန်းသိမ်းနိုင်ဖို့ PSG က ဖြစ်နိုင် သမျှ အရာအားလုံး လုပ်ခဲ့တယ်လို့ ကျွန်တော် ထင်ပါတယ်။ ကျွန်တော်လည်း ဒါဆို သဘောတူခဲ့တယ်။ သူက ကမ္ဘာ့အကောင်းဆုံးကစား သမားတွေထဲက တစ်ဦးပါ။ PSG က သူဆက်နေဖို့ အရင်းအမြစ်အားလုံးကို အသုံးချပြီး သိမ်းသွင်းစည်းရုံးခဲ့တာပါ။ ဒါပေမဲ့ ကိုင်လီယန်ဟာ စီမံကိန်းသစ်ကို ပုံဖော်သူတွေထဲက တစ်ဦး(သူ့ကို ရာထူးကထုတ်ပယ်ရန် ကြိုးပမ်းမှု)လို့ ကျွန်တော် မယူဆပါဘူး” ဟု ပြောကြားခဲ့သည်။
ပိုချက်တီနိုသည် PSG အသင်းအား ၂၀၂၁ ဇန်နဝါရီတွင် စတင်တာဝန်ယူကိုင်တွယ်ခဲ့ပြီး ၂၀၂၂ ဇူလိုင်တွင် အသင်းမှထုတ်ပယ်ခံခဲ့ရသည်။
