အေစီမီလန်အသင်း၏ နည်းစနစ်ဒါရိုက်တာ ပေါ်လိုမာလ်ဒီနီသည် PSG အသင်းမှ ဆီနီဂေါနောက်ခံလူ ဒီယာလိုကို ခေါ်ယူရန်အတွက် ယခုတစ်ပတ်အတွင်း ဆွေးနွေးမှုစတင်ပြုလုပ်သွားမည်ဖြစ်ကြောင်း သိရသည်။
PSG အသင်းတွင် ပုံ မှန်နေရာရယူနိုင်ခြင်းမရှိသည့် ဒီယာလို(၂၆ နှစ်)ကို အေစီမီလန်အသင်းက အငှားဖြင့် ဦးစွာခေါ်ယူပြီးမှ အပြီးသတ်ခေါ်ယူရန် ရည်ရွယ်နေခြင်းဖြစ်သည်။
ဒီယာလိုကလည်း ပုံမှန်ပွဲထွက်ခွင့် ရရှိမည့်အသင်းထံ ပြောင်းရွှေ့လိုနေသည့်အတွက် အပြောင်းအရွှေ့ဖြစ်မြောက်ဖွယ်ရှိကြောင်း ထင်ကြေးပေးနေကြသည်။
