PSG သို့ရောက်ရှိပြီးနောက် ဒဏ်ရာများကြောင့် နေမာလွဲချော်ခဲ့သည့်ပွဲပေါင်း ၇၄ ပွဲရှိသည်ဟု စပိန်သတင်းစာ Marca ဖော်ပြ

ဘရာဇီးလ်နာမည်ကျော်ကစားသမား နေမာသည် ၂၀၁၇ နွေရာသီတွင် PSG အ သင်းသို့ ရောက်ရှိပြီးနောက် ဒဏ်ရာပြဿနာများကြောင့် အသင်းကစားသည့်ပွဲများကို လွဲချော်ခဲ့သည့်အရေအတွက်မှာ ၇၄ ပွဲအထိ ရှိနေခဲ့ကြောင်း စပိန်သတင်းစာ Marca က ဖော်ပြခဲ့သည်။

နေမာသည် PSG အသင်းအတွက် ပထမဆုံးကစားသည့် ၂၀၁၇-၁၈ ရာသီတွင် ၂၁ ပွဲ၊ ၂၀၁၈-၁၉ ရာသီတွင် ၂၄ ပွဲ၊ ၂၀၁၉-၂၀ ရာသီတွင် ၁၀ ပွဲ၊ ၂၀၂၀-၂၁ ရာသီတွင် ၁၈ ပွဲနှင့် ယခုရာသီတွင် တစ်ပွဲ ရှိခဲ့ပြီး ဒဏ်ရာပြဿနာကြောင့် လွဲချော်ခဲ့ရသည့်ပွဲပေါင်း ၇၄ ပွဲအထိ ရှိနေသည်ဟု Marca က အသေးစိတ် ရေးသားခဲ့သည်။

Marca ၏သတင်းတွင် ပွဲပယ်ပြစ်ဒဏ်ကြောင့်အပါအဝင် အခြားအကြောင်းအမျိုးမျိုးကြောင့် လွဲချော်ခဲ့ရသည့်ပွဲများကိုပါ ထည့်တွက်လျှင် စုစုပေါင်း ၉၁ ပွဲ အထိ ရှိနေသည်ဟု ထည့်သွင်းဖော်ပြခဲ့သည်။ ယခုအခါတွင်လည်း နေမာသည် စိန့်အက်တီယန်အသင်းနှင့်ကစားခဲ့သည့် ပြင်သစ်လီဂူး ပွဲစဉ်တွင် ပြိုင်ဘက်ကစားသမား၏ဖျက်ထုတ် မှုကြောင့် ခြေချင်းဝတ်ဒဏ်ရာရရှိခဲ့ပြီး ရက် သတ္တပတ် ခြောက်ပတ်မှ ရှစ်ပတ်ဝန်းကျင် အနားယူရမည်ဖြစ်သဖြင့် PSG အသင်း၏ ပွဲစဉ်များကို လွဲချော်သည့်အရေအတွက်မှာ ထပ်မံမြင့်တက်လာဦးမည်ဖြစ်သည်။

နေမာ ၏ဒဏ်ရာအား ယခုစစ်ဆေးမှုသည် ပဏာမစစ်ဆေးမှုဖြစ်ပြီး အသေးစိတ်စစ်ဆေးမှုများ ပြုလုပ်ပြီးချိန်တွင်လည်း အနားယူရမည့်ကာလမှာ ကြီးမားစွာပြောင်းလဲသည့် အဖြေထွက်ပေါ်ဖွယ်မရှိဟု သိရသည်။