ONE Championshipအဖွဲ့အစည်းသည် ဇူလိုင်မှ စက်တင်ဘာအတွင်း ကျင်းပခဲ့သည့် MMA ပြိုင်ပွဲများမှ အကောင်းဆုံး အလဲထိုးပွဲစဉ်ငါးပွဲ ထုတ်ပြန်ခဲ့ရာ မြန်မာ MMA ကစားသမား အောင်လအန်ဆန်၏ တွဲဆိုင်း ပါဝင်လာကြောင်း သိရသည်။
ONE Championship သည် ပြီးခဲ့သည့် သုံးလတာအတွင်း ကျင်းပခဲ့သည့် ပြိုင်ပွဲ ခြောက်ခုမှ အကောင်းဆုံး အလဲထိုးငါးပွဲကို ရွေးချယ်ခဲ့ခြင်းဖြစ်သည်။ ယင်းအကောင်းဆုံး ငါးပွဲတွင် ဇူလိုင် ၃၀ ရက်က ထိုးသတ်သည့် နာမည်ကြီးမြန်မာ MMA ကစားသမား အောင်လအန်ဆန်နှင့် ဘရာဇီးလ်နိုင်ငံသား လီအန်ဒရိုတို့ပွဲစဉ် ပါဝင်လာခြင်းဖြစ်သည်။ ယင်းပွဲတွင် အောင်လအန်ဆန်သည် ပထမ အချီမှာပင် ညာလက်သီးဖြင့် လီအန်ဒရိုကို ပွဲသိမ်းအနိုင်ယူခဲ့ခြင်းဖြစ်ပြီး အနိုင်ရလဒ် ကြောင့် ONE မစ်ဒယ်ဝိတ်တန်း ကမ္ဘာ့ချန်ပီ ယံဆုကို ပြန်လည်စိန်ခေါ်နိုင်ရန် အခွင့်အရေး ရှိလာခဲ့သည်။
အောင်လအန်ဆန်သည် လီ အန်ဒရိုနှင့် ပထမဆုံးတွေ့ဆုံခြင်းဖြစ်ပြီး ပထမအချီမှာပင် အလဲထိုးအနိုင်ယူနိုင်ခဲ့ခြင်း ဖြစ်သည်။ ONE Championship ကထုတ်ပြန်သည့် အကောင်းဆုံး အလဲထိုးငါးပွဲတွင် ဖလိုင်းဝိတ်တန်း ကမ္ဘာ့ချန် ပီယံလုပွဲဖြစ်သည့် ဒေဟွမ်ကင်နှင့် ရှီဝေတို့၏ ပွဲစဉ်၊ ဖယ်သာဝိတ်တန်း စိန်ခေါ်ပွဲဖြစ်သည့် မာတင်ငုယင်နှင့် ကင်ဂျေးဝန်တို့၏ပွဲစဉ်၊ Straw ၀ိတ်တန်း ကမ္ဘာ့ချန်ပီယံလုပွဲဖြစ်သည့် ဂျိုရှုအာနှင့် ယိုဆုကီတို့၏ပွဲစဉ်၊ ဖလိုင်းဝိတ်တန်း စိန်ခေါ်ပွဲဖြစ်သည့် အီကိုရိုနီနှင့် လီပန် ရှိုရီတို့၏တွဲဆိုင်းများ ပါဝင်လာသည်။
ONE Championship သည် ကိုရိုနာဗိုင်းရပ်စ် ကပ်ရောဂါအခြေအနေကြောင့် တစ်လလျှင် ပြိုင်ပွဲနှစ်ခုသာ ပြုလုပ်နိုင်ပြီး ပြိုင်ပွဲတိုင်းကိုလည်း စင်ကာပူနိုင်ငံတွင် ပရိသတ်မပါဘဲ ပြုလုပ်နေရသည်။ ONE Championshipသည် ကပ်ရောဂါဖြစ်ပွားနေသည့် နှစ်နှစ်ဝန်း ကျင်ကာလအတွင်း လအနည်းငယ်သာ ပြိုင်ပွဲ ရပ်နားခဲ့ပြီး ၂၀၂၀ နှစ်လယ်ပိုင်းနောက်ပိုင်း မှစတင်ကာ ကျန်းမာရေးဆိုင်ရာ လမ်းညွှန် ချက်များအတိုင်း ပြိုင်ပွဲများ ပြန်လည်ပြုလုပ်လျက်ရှိသည်။
အောင်လအန်ဆန်သည် နောက်ဆုံးထိုးသတ်သည့် သုံးပွဲတွင် တစ်ပွဲသာအနိုင်ရသေး ပြီး ယင်းပွဲတွင် အလဲထိုးအနိုင်ရခဲ့ခြင်းဖြစ်သည်။ အောင်လအန်ဆန်သည် ၂၀၂၀ ပြည့်နှစ် အောက်တိုဘာနှင့် ၂၀၂၁ ခုနှစ် ဧပြီ က ထိုးသတ်သည့် ကမ္ဘာ့ချန်ပီယံကာကွယ်ပွဲ များတွင် နယ်သာလန်နိုင်ငံသား ဒီရစ်ဒါကို အရေးနိမ့်ကာ ONE မစ်ဒယ်ဝိတ်တန်းနှင့် လိုက်ဟဲဗီးဝိတ်တန်း ကမ္ဘာ့ချန်ပီယံဆုနှစ်ခု စလုံး လက်လွှတ်ခဲ့ရသည်။
အောင်လအန်ဆန် သည် မစ်ဒယ်ဝိတ်တန်း ကမ္ဘာ့ချန်ပီယံဆု ပြန်လည်ရယူနိုင်ရန် ရည်မှန်းချက်ထား ကြိုးပမ်းလျက်ရှိပြီး ပထမဆုံးထိုးသတ်သည့် စိန် ခေါ်ပွဲတွင် အလဲထိုးနိုင်ပွဲရရှိခဲ့ခြင်းဖြစ်ကာ လက်လွှတ်ခဲ့ရသည့် ချန်ပီယံဆုအား စိန်ခေါ် ခွင့်ရဖွယ်ရှိနေသည်။
