FA ဖလား စတုတ္ထအဆင့်ပွဲစဉ်ရေးဆွဲ ပွဲတွင် လက်ရှိချန်ပီယံ မန်စီးတီးအသင်းသည် စပါးအသင်းနှင့် အဝေးကွင်းပွဲကျပ် ကစားရမည်ဖြစ်သော်လည်း ချန်ပီယံရေပန်းစားမှုတွင် ထိပ်ဆုံး၌ ဆက်လက်ရပ်တည်နေကြောင်း သိရသည်။
စပိန်လူမျိုးနည်းပြ ဂွါဒီယိုလာသည် မန်စီးတီးအသင်းသို့ ရောက်လာပြီးကတည်းက အသင်းနှင့်အတူ အောင်မြင်မှုများစွာ ရယူထားသော်လည်း စပါးနှင့် အဝေးကွင်း ထိပ်တိုက်တွေ့ဆုံမှု၌ မှတ်တမ်းဆိုးများ ရှိနေသည်။
ဂွါဒီယိုလာအနေဖြင့် နည်းပြဘဝတွင် စပါးအသင်းနှင့် အဝေးကွင်းပွဲစဉ် ရှစ်ပွဲ ကစားခဲ့ဖူးပြီး နှစ်ပွဲသာအနိုင်ရကာ ရှစ်ပွဲအထိ အရေးနိမ့်ခဲ့သည်။ ထို့ပြင် Tottenham Hotspur Stadium တွင် နောက်ဆုံးကစားထားသည့် ပြိုင်ပွဲစုံ ငါးပွဲစလုံး အရေးနိမ့်ထားပြီး ဂိုးပင်သွင်းယူနိုင်ခြင်းမရှိခဲ့ကြောင်း သိရသည်။
သို့သော် မန်စီးတီးအသင်းအနေဖြင့် FA ဖလား ချန်ပီယံရေပန်းစားမှုတွင် ထိပ်ဆုံးမှ ဆက်လက်ဦးဆောင်နေကြောင်း လောင်းကစားကုမ္ပဏီများ၏ အလေးပေးချက်များတွင် တွေ့ရသည်။
ဗြိတိန်နာမည်ကြီးလောင်း ကစားကုမ္ပဏီ Sky Bet က မန်စီးတီးအသင်းကို ၁ဝး၃ လေးဖြင့် ထိပ်ဆုံးတွင် နေရာပေးထားပြီး လီဗာပူးလ်အသင်းက ၄း၁ လေး၊ မန်ယူအသင်းက ၉း၁ လေး၊ ချယ်လ်ဆီးအသင်းက ၁ဝး၁ လေး၊ နယူးကာဆယ်၊ စပါးနှင့် ဘရိုက်တန်အသင်းများက ၁၂း၁ လေးစီး ရှိနေကြသည်။
FA ဖလား စတုတ္ထအဆင့်ပွဲစဉ်များ
ဝက်ဖို့ဒ် – ဆောက်သမ်တန်
ဘလက်ဘန်း – ဝရက်ဇ်ဟမ်း
ဘုန်းမောက် – ဆွမ်ဆီး
ဝက်စ်ဘရွန်း – ဘရန့်ဖို့ဒ်/ဝုလ်ဗ်
ဝက်စ်ဟမ်း/ ဘရစ္စတိုးလ်စီးတီး – နော်တင်ဟမ်/ ဘလက်ပူးလ်
လက်စတာ – ဟားလ်စီးတီး/ ဘာမင်ဂမ်
ရှက်ဖီးဝင်းစ်ဒေး – ကိုဗင်ထရီ
ချယ်လ်ဆီး – အက်စတွန်ဗီလာ
အစ်ဝစ်ချ် – မိန့်စတုန်း
လီဗာပူးလ် – နောဝစ်ချ်/ ဘရစ္စတိုးလ်ရိုဗာ
စပါး – မန်စီးတီး
လိဒ်စ် – ပလိုင်းမောက်
ခရစ္စတယ်ပဲလေ့စ်/ အဲဗာတန် – လူတန်/ ဘော်လ်တန်
နယူးပို့တ်/ အိစ်လိတ် – မန်ယူ
ရှက်ဖီးယူနိုက်တက် – ဘရိုက်တန်
ဖူလ်ဟမ် – နယူးကာဆယ်
FA ဖလား စတုတ္ထအဆင့်ပွဲစဉ်များကို ဇန်နဝါရီ (၂၇၊ ၂၈၊ ၂၉) ရက်များတွင် ကစားမည်။
