ပေါ့ဘာသည် COVID-19 Positive တွေ့ရှိသဖြင့် စက်တင်ဘာအတွက် ပြင်သစ်အသင်း၏ UEFA Nations League ပြိုင်ပွဲ လူစာရင်းမှ ချန်လှပ်ခံခဲ့ရခြင်းဖြစ်သည်။
COVID-19 ရောဂါ Positive တွေ့ရှိခဲ့သူ ကွင်းလယ်လူ ပေါ့ဘာမှာ လေ့ကျင့်ခန်းပြန်ဆင်းနေပြီ ဖြစ်သော်လည်း ယခုရာသီအတွက် ပထမဆုံးပွဲဖြစ်သည့် ပဲလေ့စ်နှင့်ပွဲကို လွဲချော်ဖွယ်ရှိနေကြောင်း သိရသည်။
ပေါ့ဘာသည် COVID-19 Positive တွေ့ရှိသဖြင့် စက်တင်ဘာအတွက် ပြင်သစ်အသင်း၏ UEFA Nations League ပြိုင်ပွဲ လူစာရင်းမှ ချန်လှပ်ခံခဲ့ရခြင်းဖြစ်သည်။ ၎င်း၏ ကြံ့ခိုင်မှုအခြေအနေနှင့်ပတ်သက်၍ ဆိုးလ်ရှားက ” ပေါလ်က လေ့ကျင့်မှုအစီအစဉ်တချို့ လွဲချော်ခဲ့ပါတယ်။ ဘာဖြစ်လို့လဲဆိုတော့ ဗိုင်းရပ်စ်ကူး စက်ခံရတာကြောင့်ပါ။ သူက ကြံ့ခိုင်မှုပြန်ရဖို့ မြန်တဲ့သူပါ။ လာမယ့် ရက်သတ္တပတ်အတွက် သူအဆင်သင့်ဖြစ်နေမယ်လို့လည်း မျှော်လင့်ပါတယ်။ ဒါပေမဲ့ ၁၀၀ ရာခိုင်နှုန်းတော့ မသေချာပါဘူး” ဟု MUTV သို့ ပြောကြားခဲ့သည်။
မန်ယူအသင်းသည် ပြီးခဲ့သည့် ရာသီက ယူရိုပါလိဂ်ပြိုင်ပွဲ ဆီမီးဖိုင်နယ်အထိ ယှဉ်ပြိုင်ခဲ့ရသဖြင့် ရာသီအဖွင့် ပထမဆုံးရက်သတ္တပတ်တွင် ပွဲမကစားရဘဲ အနားရထားခြင်းဖြစ်သည်။ သို့ဖြစ်ရာ ပွဲစဉ် (၂) မှသာ ပထမဆုံးပွဲ စတင်ကစားရမည်ဖြစ် ပြီး စနေနေ့တွင် ပဲလေ့စ်အသင်းနှင့် အိမ်ကွင်းကစားရမည်ဖြစ်သည်။
