ပြင်သစ်ဘောလုံးမဂ္ဂဇင်းသည် Ballon d’Or Dream Team ရွေးချယ်ရန်အတွက် ယခုလအတွင်း ဆန်ခါတင်စာရင်းများကို ထုတ်ပြန်ခဲ့ရာ နောက်ဆုံးကျန်ရှိသည့် တိုက်စစ်ကစားသမား ၃၀ ဦးစာရင်းကို ကြေညာပြီးနောက် အားလုံးပြီးစီးခဲ့ပြီဖြစ်သည်။
![](https://eleven-static.sgp1.digitaloceanspaces.com/attach-image/1603258007hhzI8M.jpg)
Ballon d’Or Dream Team ကို ကစားကွက် ၃-၂-၂-၃ ပုံစံဖြင့် ရွေးချယ်မည်ဖြစ်ပြီး ဆန်ခါတင်စာရင်းတွင် စုစုပေါင်းကစားသမား ၁၁၀ ဦးအထိ ပါဝင်လာခဲ့သည်။ ပြင်သစ် ဘောလုံးမဂ္ဂဇင်းသည် Ballon d’Or (အကောင်းဆုံးဘောလုံးသမားဆု)၊ Ballon d’Or Feminin(အကောင်းဆုံးအမျိုးသမီးဘောလုံးသမားဆု)၊ Kopa Trophy (အသက် ၂၁ နှစ်အောက် အကောင်းဆုံးကစားသမား ဆု)၊ Yashin Trophy (အကောင်းဆုံးဂိုးသမားဆု) စသည့်ဆုများကို နှစ်စဉ်ချီးမြှင့်နေပြီး ယခုနှစ် ဗိုင်းရပ်စ်ကပ်ဘေးကြောင့် ဖျက်သိမ်းခဲ့သဖြင့် Dream Team ကို အစားထိုးရွေးချယ်ခြင်း ဖြစ်သည်။
ကင်မရွန်းတိုက်စစ်မှူးဟောင်း အီတူးက ဆန်ခါတင်စာရင်း၌ သူ့အား ညာတောင်ပံတွင် ရွေးချယ်မှုအတွက် ပြစ်တင်ဝေဖန်မှုများ ပြုလုပ်ခဲ့သည်။ သို့သော် အီတူးကဲ့သို့ အခြားအငြင်းပွားစရာရွေးချယ်မှုများလည်း ရှိနေကြောင်းသိရသည်။
![](https://sportsmyan.com/wp-content/uploads/2020/10/ballor-1024x536.jpg)
Ballon d’Or Dream Team ကို ဒီ ဇင်ဘာ ၁၇ ရက် တွင် ထုတ်ပြန်ကြေညာမည်ဖြစ်ပြီး ကမ္ဘာတစ်လွှားမှ အားကစားဂျာနယ်လစ် ၁၇၀ ဦးက မဲပေးရွေးချယ်သွားမည်ဖြစ်ကြောင်း သိရသည်။
Ballon d’Or Dream Team ဆန်ခါတင်စာရင်းများ
ဂိုးသမား – ဂေါ်ဒွန်ဘန့်ခ်၊ အန်ကိုနို၊ ဘူဖွန်၊ ပီတာရှမိုက်ကယ်၊ ကာဆီးလက်စ်၊ ဗန်ဒါးဆား၊ ဆပ်မိုင်ယာ၊ လက်ဗ်ယာရှင်၊ နော်ယာ၊ ဒီနိုဇော့ဖ်
ညာနောက်ခံ – ဘာဂိုမီ၊ ကဲလ်ဇ်၊ ကာဖူး၊ ဖီးလစ်လမ်း၊ ကားလို့စ်အယ်လ်ဘာအို၊ ဆူဘီယာ၊ D.ဆန်းတို့စ်၊ သူရမ်၊ ဂျန်တီလီ၊ ဘာတီဗောက်စ်
ဘယ်နောက်ခံ – ဘရေမီ၊ ခရိုးလ်၊ ဘရိုက်တနာ၊ မာလ်ဒီနီ၊ ကာဘရီနီ၊ မာဆယ်လို၊ ဖာချက်တီ၊ N.ဆန်းတို့စ်၊ ဂျူနီယာ၊ ကားလို့စ်
ဗဟိုနောက်ခံ – ဘာရက်ဆီ၊ ဘော်ဘီမိုး၊ ဘက်ကင်ဘောင်ဝါ၊ ပါဆာရဲလား၊ ကင်နာဗာရို၊ ဆမ်းမား၊ ဒက်ဆယ်လီ၊ ဆချီရီယာ၊ ရော်နယ်လ်ကိုးမန်း၊ရာမို့စ်
ကွင်းလယ်ခံစစ် – ဘော့ဆစ်၊ ဘူးစကွက်စ်၊ ဒီဒီ၊ ဖယ်လ်ကာအို၊ ဂျရတ်၊ ဂျယ်ဆန်၊ ဂွါဒီယိုလာ၊ မာဆိုပွတ်၊ လိုသာမားသီးယက်စ်၊ နီးစ်ကင်၊ ပီယာလို၊ ရီဒွန်ဒို၊ ရီ ကတ်၊ ဘန်ရှူးစတား၊ ဆီးဒေါ့ဖ်၊ ဆွာရက်ဇ်၊ တာဒယ်လီ၊ ယန်းတီဂါနာ၊ ဇာဘီအလွန်ဆို၊ ဇာဗီ
ကွင်းလယ်တိုက်စစ် – ဘက်ဂီယို၊ ဘော်ဘီချာလ်တန်၊ ဒီစတီဖာနို၊ ဖရန်ဆက်စကိုလီ၊ ဂူးလစ်၊ ဟာဂီ၊ အင်နီ ယေစတာ၊ ရေမွန်ကိုပါ၊ ကုဘလ၊ မာရာဒိုနာ၊ မက်ဇိုလာ၊ ပီလီ၊ ပလာတီနီ၊ ပွတ်ရှ်ကပ်စ်၊ ရီဗယ်ရာ၊ ရှချီယာဖီနို၊ ဆိုကရေးတီးစ်၊ တော့တီ၊ ဇီကို၊ ဇီဒန်း
ညာတောင်ပံ – ဘက်ခမ်၊ ဂျော့ချ်ဘတ်စ်၊ အီတူး၊ လူးဝစ်ဖီဂို၊ ဂါရင်ချာ၊ ဂျယ်ယာဇင်ဟို၊ ကီဗင်ကီးဂန်း၊ စတန်လေမက်သယူး၊ မက်ဆီ၊ ရော်ဘင်
ဘယ်တောင်ပံ – ဘလော့ကင်၊ စီရော်နယ်လ်ဒို၊ ဇာယစ်၊ ရိုင်ယန်ဂစ်၊ အွန်နရီ၊ ရီဗာလ်ဒို၊ ရီဗယ်လီနို၊ ရော်နယ်လ် ဒင်ဟို၊ ရူမင်နစ်ဂီ၊ စတွိုက်ကော့ဗ်
တိုက်စစ်မှူး – ဘားကင့်၊ ယိုဟန်ခရိုက်ဖ်၊ ကင်နီဒဲဂလစ်ရှ်၊ အူဆီဘီယို၊ ကော့ဆစ်၊ ဂတ်မူလာ၊ ရိုမာရီယို၊ ရော်နယ်လ်ဒို၊ ဗန်ဘက်စတန်၊ ဂျော့ချ်ဝီယာ