ရီးယဲလ်အသင်း၏ ဂိုးသမား ကော်တိုအာသည် လာလီဂါပြိုင်ပွဲတွင် တစ်ရာသီလုံးပွဲတိုင်း ကစားခွင့်ရသူအဖြစ် စံချိန်တင်မည်ဖြစ်ကြောင်း သိရသည်။
ကော်တိုအာသည် ယခုရာသီတွင် ရီး ယဲလ်အသင်းအတွက် လာလီဂါ(၃၇)ပွဲ ပါဝင်ကစားထားပြီး ဗီလာရီးယဲလ်နှင့်ပွဲတွင် ပါဝင်က စားခွင့်ရခဲ့ပါက တစ်ရာသီအတွင်း လာလီဂါပွဲတိုင်း ကစားခွင့်ရရှိသည့် သတ္တမမြောက် ရီးယဲလ်ဂိုးသမားအဖြစ် စံချိန်တင်နိုင်မည်ဖြစ်သည်။
ရီးယဲလ်အသင်းအတွက် ယင်းကဲ့သို့ ပထမဆုံးစံချိန်တင်ထားသည့် ဂိုးသမားမှာ ၁၉၃၂-၃၃ ရာသီက ပွဲတိုင်းပါဝင်ခဲ့သည့် ရီကာဒိုဇာမိုရာဖြစ်ပြီး ဒုတိယဂိုးသမားမှာ ၁၉၄၃-၄၄ ရာသီတွင် ပွဲတိုင်းကစားခွင့်ရခဲ့သည့် ပီပီဘာနွန်ဖြစ်သည်။
ထို့နောက် ဟိုဆေးဗင်းဆင့်က ၁၉၆၀-၆၁ ရာသီတွင် ယင်းကဲ့သို့ စွမ်းဆောင်နိုင်ခဲ့ပြီး အန်တိုနီယိုဘီတန်ကော့က ၁၉၆၅-၆၆ နှင့် ၁၉၆၈-၆၉ ရာသီများတွင် စံချိန်မှတ်တမ်းများ ထပ်မံရယူနိုင်ခဲ့သည်။
ယင်းနောက် ဆယ်စုနှစ်(၂)ခုကျော် ကြာမြင့်ချိန်တွင် ဘာကိုဘူယိုက ၁၉၈၆-၈၇ ရာသီနှင့် ၁၉၉၃-၉၄ ရာသီ များ၌ လာလီဂါပွဲတိုင်း ပါဝင်ခွင့်ရသည့် ဂိုးသမားအဖြစ် မှတ်တမ်းတင်ခဲ့ပြီး ၎င်း၏နောက်တွင် ကာဆီးလက်စ်က ယင်းကဲ့သို့ မှတ်တမ်းမျိုး ကို (၄) ရာသီတိုင်တိုင် ရယူနိုင်ခဲ့သည်။
ယခုအခါ ကော်တိုအာက အဆိုပါမှတ်တမ်း ရယူနိုင်ရန် နီးစပ်နေပြီဖြစ်သည်။
